Page Text
________________
एवं सोच्चा नरिंदो सपरिवारो उवरिं गंतूणं मंजूसं उग्घाडिअ नियभायरं पासइ, पासित्ता बाहिरं निक्कासिअ हरिसेण आलिंगेइ । बहुवरिसे नियबंधुस्स संगमाओ सपरिवारस्स नरिंदस्स अपुव्वो अउल्लो अ आणंदो संजाओ, मोत्तिअझरस्सावि । तहेव अकम्हा बंधुमिलणे विसेसओ य । राया लहुबंधुस्स सप्पदट्ठाओ आरम्भ नियसव्ववुत्तंतं कहिऊणं तस्स वुत्तंतं पुच्छइ । तेण अस्स सेट्ठिस्स घरे आगमणाओ आरब्भ सीलवईपरिणयणं जाव वुत्तंतो कहिओ ओ सो नरिंदो किवणसेट्ठिस्सुवरिं अईव कुद्धो सकुडुंबस्स सेट्ठिस्स वहाय आदिसइ तया जिरक्खि दक्खिणसीलयाए तग्गिहभुत्तभोयणेण उवयारत्थं नरिंदं पत्थिऊण तं रक्खावेइ । तया रण्णा से सव्वं लच्छि अवहरिअ निव्विसओ आणत्तो ।
नरिंदो निबंधुणा सीलवईए य जुत्तो हत्थिक्खंधंमि आरुहिय नियमंदिरे समागओ । बंधुणो संपत्तीए जिणमंदिरेसु अट्ठाहिअमहोसवो कारिओ । एवं तेसिं आणंदेण दिवसा गच्छंति । एक्कं चिअ ताणं दुक्खं, जं दूसहो माइपिऊण विओगो । सबंधवो नरिंदो मायापिअरमिलणाय अईव उक्कंठिओ जाओ । पहाणसेणावई कहित्ता हत्थि-तुरंग-रहपाइक्काइपबलसेणाए जुत्तो विजयजत्ताए निग्गओ । मग्गमि साम-दाम-भेय-विग्गहाईहिं रायनीईर्हि नरिंदे वसीकुणंतो कमेण ठक्कुरगामे आगओ, जत्थ गामे नियमायपियरा संति । गामाओ बाहिं खंधावारो ठविओ । ठक्कुरो वि महारायस्स आगमणं सोच्चा भयभीओ नयराओ आगंतूण सबंधुनरिंदपाए नमेइ । पाहुडं दाऊण तस्स आणं अंगीकुणेइ ।
कहाविणोए जिणदत्तेण रण्णा पुट्ठे - " तव यरे को वि वणिओ अत्थि न वा ?” तेण उत्तं - "मम नयरे जिणदासो नाम वणिगो अत्थि, सो कइवयवासाओ पुव्वं एत्थ आगच्च कयविक्कयं कुणंतो चिट्ठइ" । नरिंदो वि तस्स सेट्ठिस्स आहवणत्थं जणं पेसेइ । सो जिणदासो आगच्च सबंधुं नरिंदं पणमइ । नरिंदो वितं पुच्छइ - "हे सेट्ठि ! तुं अम्हे किं परिजाणासि ?" सेट्ठी आह- " अणेगनरिंदवंदियपायकमलं भवंतं महारायं को न जाणइ ?" नरिंदो कहेइ - "एवं न, किन्तु अहं संबंधत्तणेण पुच्छामि " । तया सो जिणदासो सम्मं सबंधुं नरिंदं पुत्तता उवलक्खेइ, किन्तु कहं कहिज्जइ "तुम्हे मम पुत्त "त्ति ? तओ सेट्ठी मोणेण थिओ |
तया सबंधू नरिंदो सीहासणाओ उत्थाय पिउस्स पाए पडिअ कहेइ - "पिअ ! अम्हे एयावंतं कालं पिउमुहदंसणपरिहीणा निब्भग्गा तुम्हाणं पाए
Jain Education International
११४
For Private & Personal Use Only
www.jainelibrary.org
| SR No. | 521023 |
| Book Title | Nandanvan Kalpataru 2009 10 SrNo 23 |
| Original Sutra Author | N/A |
| Author | Kirtitrai |
| Publisher | Jain Granth Prakashan Samiti |
| Publication Year | 2009 |
| Total Pages | 126 |
| Language | Sanskrit, Prakrit |
| Classification | Magazine, India_Nandanvan Kalpataru, & India |
| File Size | 6 MB |