________________
उवओगिणो वियारा, कायब्वा, णिप्फला असुहभावा ॥ हेया हियरसिएहिं, तत्तवियारेहिं मणथिज्जं ॥२१॥ निकारणत्तसमए, मोणं सइ कारणे परिमियत्तं ॥ वयणाणं कायव्वं, मोणं मुणिभूसणं परमं ॥२२॥ उवओगिणी पवित्ती, कायव्वा मुत्तिमग्गपोसदया ॥ तब्वइरित्ता हेया, भव्वेहिं भद्ददिठ्ठीहिं
॥२३॥ जस्स वियारा धम्मा, धम्मा भासा हिया मिया सच्चा ॥ धम्माणुगा पवित्ती, सो धण्णो लहइ मुत्तिसुहं ॥२४॥ परनिंदापरिहारो, नियनिंदासवणकोहवइरेगो ॥ नियमलसोहणकालो, सो सोहइ नियजलाईहिं ॥२५॥ न सुमरिअव्वं वेरं, पुव्वं न नवं कयावि कायव्वं ॥ अभओ वेरच्चाई, निवसइ परमाइ संतीए ॥२६॥ मित्ती-पमोय-करुणा-मज्झत्थवियारणा सया कुज्जा ॥ भाविज्ज भावणाओ, अणिच्चसरणाइया सययं ॥२७॥ खमिअव्वं सुहभावा, खमाविअब्बं सुओवएसेणं ॥ खामणखमावणाओ, विमला आराहणा होज्जा ॥२८॥ साहम्मियवच्छलं, कायव्वं जेण तित्थयरनामं ॥ बंधिज्जा दिटुंतो, सिरिसंभवनाहजिणवस्स जगडू-खेमाइनरा, चंदावइवासिणो महासड्ढा ॥ साहम्मियवच्छलं, किच्चा सुगई गया हिययं ॥३०॥ दाणं सीलं च तवं, अनियाणं भावओ सुहविहाणा ॥ कायव्वं विभवो जं, पत्तो तुह होइ जह सहलो ॥३१॥
७७ For Private & Personal Use Only
Jain Education International
www.jainelibrary.org
