________________
सेवसि - ता तुज्झ लज्जा न अणुहविज्जइ ? हा ! धिरत्थु तुमं । मच्चुणो दारुणत्तं जीवस्स य अविवेगित्तणं गाहाजुयेण पयासेइ - पिच्छंतस्स वि तुह दारुणो इमो मच्चुकेसरि-किसोरो । ही ! हरइ वल्हे सरणविरहिए बालहरिण व्व दट्ठूण विहीरंतं विसंठुलं जगमिणं जमभडेहिं । किं नच्चतो चिट्ठसि रे पाव ! विवेगपरिहीणो ?
॥२५॥
अन्वयः
रे पाव ! तुह पिच्छंतस्स वि ही इमो दारुणो मच्चुकेसरिकिसोरो सरणविरहिए बालहरिण व्व वल्लहे हीरइ (ता) विसंठुलं इणं जगं जमभडेहिं हीरंतं दट्ठूण वि विवेगपरिहीणो नच्चतो किं चिट्ठसि ? |
भावार्थ: रे पाव ! महामोहपीडिअस्स तुज्झ एत्थ संसारे बहुणो सयणा मित्ता य अईववल्लहा संति जेहिं विणा तं खणमवि ठाउं असमत्थो, जेसिं च वयणाइं पडिकूलाई वि अणुकूलाई मन्नंतो तं तक्कहियं सव्वमवि मन्नेसि आयरेसि य । तहा तेसिं कज्जे निययं सव्वस्सं पि अप्पेउं सा वि पण हवेज्ज । किन्तु तारिसा वि वल्लहा जणा तुह पिच्छंतस्स चेव जया दारुणे भीसणे य मच्चुमहामच्छमुहंमि पडिऊण कत्थइ विलीणा हवंति तया तेसिं को विसरणं न हवइ जाव तं पितेसिं सरणं काउं असमत्थो चेव ।
जहा - वणमज्झे वसंतस्स हरिणस्स डिंभरूवाइं बालहरिणाइं अईव वल्लहाई । किं तु जया hi बुभुक्खापीडिएण सीहकिसोरेण ताइं दट्ठाई तया सो तस्स हरिणस्स पिच्छंतस्स चेव हढेण ताई मारिऊण खाएइ तहवि सो हरिणो ताइं रक्खेडं न किंचि वि काउं समत्थो हवेज्ज । एवं तं पित्त उवणयो ।
अह एवं पि सयलं जयं आउक्खए मच्चुमित्तेहिं विव जमभडेहिं हढेण हीरिज्जमाणं तं निययचक्खूहिं चेव पेच्छसि - तहा तारिसाई दट्ठूण अईव दुही निव्विण्णमाणसो य हवेसि, तह वि रे मूढ ! अविवेगपडलेहिं तुज्झनयणाई तहा पिहियाई संति जहा तं निययं हिययं सव्वहा अचेतयंतो पावपंके चेव नच्चंतो सूअरो व्व चिट्ठसि त्ति न याणिमो कया तुज्झ विवेगस्स उदओ हवेज्ज ?
Jain Education International
101
॥ २४॥
११०
For Private & Personal Use Only
www.jainelibrary.org
