________________
• ८७
.नन्दनवनकल्पतरुः २...
पत्रम
मुनि कल्याणकीर्तिविजयः
सोत्थि सिरिसंखेसरमंडणसिरिपासजिणिदं पणिहाय परमगुरु सिरिविजयमिसूरिभगवंतं च पणमिऊण आणंदस्स धम्मलाहो कहीअइ कल्लाणकित्तिणा ।
सिरिआणंद !
पुज्जगुरु भगवंताण पुण्णनिस्साए अम्हे सव्वे वि सुहेण वट्टामो । सव्वेसिं आरुग्गं सुंदरं अस्थि ।
तंपि कुसली हवेज्ज ।
तुह पत्तं लद्धं । तए पाइयभासा सिक्खिअ त्ति जाणिऊण हरिसो जाओ । तं जिणसासणस्स केइ पयत्थे पढिउं इच्छेसि त्ति तए जाणाविअं अओ किंचि लिहेमि ।
एत्थ किर जिणसासणे देवतत्तं पहाणं । तेण विणा न किंचि धम्माणुट्ठाणं सुज्झइ । अओ पढमं देवतत्तं णायव्वं । तत्थ केरिसो देवो अम्हेहिं पूयणिज्जो आराहणिज्जो य इइ पण्हो उठेइ ।
Jain Education International
ता पुव्वमहरिसिविरइयगंथेहिंतो किंचि देवसरूवं जाणावेमि ।
-
'जो जीवप्पा सयमेव साहणं आराहणं च काऊण विसुद्धचरणेण तिव्वतवेण य नियसव्वकम्मंसे खविऊण संकिलेसजणयं रागं, पसमवणदवाणलं दोसं, सन्नाणपयासपिहाणं च मोहं विणासेइ, जो वीयरागो भवइ, सव्व देस - कालत्थे सव्वपयत्थे जाणेइ पासेइ य, जो सासयसुहं माणेइ, जो किलिङकम्माण रेहं पि विणासेइ, जो सव्वदेवाण पूयणिज्जो देवाहिदेवो, जो सव्वजोईण झायव्वो, जो सव्वनीईण कारओ देसओ य, जस्स य महिमा तिलोए पसिद्धो एरिसो सव्वदेवाणं पूयणिज्जो देवाहिदेवो च्चिय अम्हाण देवो ।'
एत्थ 'नणु यस्स पूया आराहणा य कहं कायव्वा ? जओ सो वीयरागत्तणेण अम्ह पूयाईहिं पसन्नो न होइ । जइ सो पसन्नो न होइ ता पूयाईहिं किं लाहो ?' इइ संका हवेज्ज ।
सा एवं निराकरणिज्जा
For Private & Personal Use Only
www.jainelibrary.org
