Page Text
________________
124 जितेन्द्र शाह
SAMBODHI जस्स धणं सो इट्ठो विधणो पुण होइ जणवए पेसो ।
जेण जियं पि मित्तं दालिई परिम्मुहं ठाइ ॥१॥ ता मग्गेमि रयणाणि। न याणामि किं करिस्सइ ? एवं चिंतिऊण पविट्ठो गेहे । महिलाए दिन्नं खोडखडं उवविट्ठो धणो भणिओ य सच्चइणा । अहो सुहेण आगयं ? धणेण भणियंतुहप्पभावेण वरमित्त ! तुण्हिक्को अच्छइ । धणेण भणियं
सा पीइ सा य उ अणुराउ तारिसो य मित्तस्स ।
हा जह खणेण नट्ठो धिरत्थु संसारवासस्स ॥१॥ एवं चिंतयंतो हियएण अच्छइ । जाव ताव थोववेलाए । सच्चइणा ताव विसज्जिओ । पडियग्गह जाह गेहं । उट्ठिओ धणो गओ सगिह। विमणदुम्मणत्थाओ । साहियं भज्जाए मित्तस्स चरियं । ताए भणियं-अलं अज्जउत्त ! विसाएणं ।
जस्स धणं तस्स जणो, जस्स धणं तस्स परियणो होइ ।
धणरहियाणं सामिय ! मित्ता वि परम्मुहा होति ॥१॥ तओ एसो दिवसो गओ । बीयदिवसे धणो गओ सच्चइ सगासे । पुच्छिया य से भाज्जा । कहं वरमित्तो ? भणियं च-न एतं याणामि अहं, सो य घरकोणे तुण्हिक्को अच्छइ ताव जाव धणो गओ सगिहं । सो य दिवसो गओ । तइय दिवसे गंतूण मग्गीयाणि रयणाणि । भो भो सच्चइ ! सब्भावनेहरहिओ दीससि ? ता अप्पेहि रयणाणि, जेण भंडं मुल्लं करेमि । सच्चइणा भणियअहोभिवाहणियं अलियं पलव्वसि । कओ तुह रयणाणि ? धणेण चिंतियं-सव्वं एयं पि होइ मंदपुनस्स पुणो मग्गं, अप्पेहि वरमित्तं किं ते परिहासाए ? सच्चइणा भणियं-अरे ! गहो ते लग्गो, वच्च कओ ते रयणा ? न अच्छसि तुण्हिक्को जइ पुणो एसिं घरं मज्झ वि बीयवाराओ तो ते । जाणामि अहं जं करिस्सामि तुज्झ रंकस्स । निब्भच्छिओ बाराओ गओ निसरिऊण ।
तत्थ आहिंडइ तिय-चउक्क-चच्चरे उग्घोसिंतो-भो भो जणवया ! पंच रयणाणि महग्घमुल्लाणि वरमित्तस्स वीसंभयाए थवणाणि अप्पियाणि, न अप्पेइ मग्गमाणस्स । भो भो जणवया ! घोसंतो गओ ताव जाव रायंगणं । सीहबारे ठाइऊण महासद्देणं उवरवेइ-भो भो नराहिव ! सरणागयवच्छल पुहइपाल ! महासद्देणं उवरवितो । राएण सुयं, पुच्छावियं च राइणा, अहो अहो को एस महासद्देणं उवरवेइ ? कहियं च से भिच्चवग्गेण देव ! एस धणो सिट्ठी सच्चइ पुरोहियस्स मित्तो।
___ राइणा भणियं-हक्कारेह इत्थ, हक्कारिओ, पविट्ठो य रायभवणे । दिट्ठो य राइणा पणामं काऊणं उवविट्ठो धरणियले । पुच्छिओ राइणा । भो सिट्ठि ! किं उवरवेह ? सिट्ठिणा भणियं-अणाईओमि देव ! नायं मग्गेमि । राइणा भणियं-केण अणाई-ओसि ? धणेण आइए पज्जवसाणं कहियं जं जहावत्तं जाव रयणाणि मग्गिओ न अप्पेइ । तओ राइणा भणियं-भो सिट्ठि ! अत्थि किं पि अहिन्नाणं ।
For Personal & Private Use Only
Jain Education International
www.jainelibrary.org
| SR No. | 520774 |
| Book Title | Sambodhi 2001 Vol 24 |
| Original Sutra Author | N/A |
| Author | Jitendra B Shah, K M Patel |
| Publisher | L D Indology Ahmedabad |
| Publication Year | 2001 |
| Total Pages | 162 |
| Language | English, Sanskrit, Prakrit, Gujarati |
| Classification | Magazine, India_Sambodhi, & India |
| File Size | 4 MB |