Page Text
________________
Vol. XXIV, 2001 गण्डस्स कहाणयं
125 सिट्ठिणा भणियं-देव ! सुट्ठ अत्थि, तिन्नि खंडेण वेढिऊण बाहिं से य कप्पडेण उग्गाहियाणि । कत्तियमासे पंचमीए नवए चंदे अप्पियाणि थवणाणि | अन्नं च-देव ! जे गुणा रयणाणं वन्नेमि ते निसामेह । वाहीरोगपणासणं पढमं रयणं १ ता देव ! बीयस्स दीहाउ होइ जस्स तं गेहे २ तइयस्स जं माहप्पं धणधन्नं वड्डइ बहुप्पयारं ३ चउत्थस्स देव ! गुणा दुपय-चउप्पय-वुड्डी होइ ४ पंचमस्स लोयपुज्जो होइ । जणवल्लभो होइ य ५ । कहियं निरवसेसं तं मंतीहि लक्खियं ।
भणिओ राया मंतीहि-देव ! विसज्जेहिं सिट्ठी । पंच-दिवसाण उप्परेण आविज्जसु त्ति, विसज्जिओ राइणा सिट्ठी । पसायं काऊण गओ सगिहं । मंतीहिं मंतियं देव ! उवाए सो परिक्खामो एसो । हक्कारिऊण सच्चइ अयाणचरियाए जूयं खिल्लावेह । कूडाहिन्नाणेण मग्गह से भज्जा रयणाणि । पडिवनं राइणा । हक्कारिओ सच्चइ । सो य कल्लेपाउयं काऊण आगओ रायसगासं, पणामं काऊण निविट्ठो । स्नेणं भणियं-भो सच्चइ ! किं चिरावियं ? तेण भणियं-भज्जाए कल्लेपाउयं कराविओ पायसेण तेण वारओ जाओ । राइणा भणियं-सुंदरं हुयं, रमामो जूयपासेण कूडिया य । चाउरंगा रमंति दुन्नि वि जणा, ताव जाव दोय पहराओ । तओ तस्स सच्चइ समुद्दा करंगुलीहिं दिट्ठा । राइणा कोऊहलेण मग्गिया । भणियं च-सुट्ट सुंदरं, सच्चइणा भणियं-देव ! तुम होउ । राइणा भणियंपडिच्छंदेण घडावेमो । सद्दाविऊण मंती भणिओ । जहा—सुन्नारस्स पडिच्छंदेण मज्झ वि एरिसा घडेइ । लहुं तहा करहिं । सो य घित्तूण गओ सच्चइ गेहं । चिरसंसोइयं, संकेएण भणिया से भज्जा-अम्हे सच्चइणा पट्टविया अप्पेहिं तावइ रयणाणि । एएण सहिन्नाणेण अन्नं बीयं पि अहिन्नाणं अज्जभट्टो य पायसं कल्लेपाऊयं काऊण गओ। .
___ भट्टिणीए चिंतियं-अप्पेमि सो चेव जाणइ जो मग्गावेइ । तओ अप्पियाणि । गओ मंती घित्तूण रायसगासं । एयस्स अप्पियाणि । तेण वि य सच्चइ पुरओ च्छोडिऊण जोइयाणि ताई तहेव कप्पडउग्गाहियाणि जहा सिट्ठिणा कहियं । सो य तं दट्ठण विलक्खाओ भूओ । तध भीओ देवयाए भगवईए जाव थोववेलाए ताव सिट्ठी वि आगओ । सो य पंचमो दिवसो, पुणो ताई रयणाई बहुरयणाणि मज्झे खित्ताणि मंतिणा । तओ सिट्ठी सद्दाविओ, पविट्ठो । पणामं काऊण उवविट्ठो । भणिओ य राइणा-भो सिट्ठी! एयाई मज्झे जं पिच्छंसि ता गिह अप्पणो रयणाणि । तओ सिट्ठिणा परिक्खिऊण गहियाणि । देव ! एयाई ममं संतियाई रयणाई जइ देव ! मज्झ पसायं कुणह तो अप्पेहि । राइणा भणियं-को इत्थ वियारो, नियरयणाणं सामीओ होह । वच्च घित्तूण सगिहं । सिट्ठिणा जंपियं-देव ! महापसाओ त्ति, भणिऊण सगिहं गओ । सो य सच्चई रायणा निग्गहिओ । जिब्भच्छेओ कओ । सव्वस्स हरणो य । एए दोसा इह लोए चेव हवंति । पुत्तय ! तम्हा अलियं न भासियव्वं ।
अलियं वयं पमाणो जणमझे नेय सम्मओ होइ । राया वि कुणइ दंडं, (कु)गई वि से पाविया होइ ॥१॥
Jain Education International
For Personal & Private Use Only
www.jainelibrary.org
| SR No. | 520774 |
| Book Title | Sambodhi 2001 Vol 24 |
| Original Sutra Author | N/A |
| Author | Jitendra B Shah, K M Patel |
| Publisher | L D Indology Ahmedabad |
| Publication Year | 2001 |
| Total Pages | 162 |
| Language | English, Sanskrit, Prakrit, Gujarati |
| Classification | Magazine, India_Sambodhi, & India |
| File Size | 4 MB |