________________
महाकविश्रीरामचन्द्रविरचितं मकरन्दः - किमाश्चर्यम् ? यावत् कुरङ्गनेत्रा तरुणी तरुणस्य दास्यमाधत्ते । वृद्धोऽपि तावदिच्छति न वीक्षयते योग्यतामिच्छा ॥ २०॥ अपि च
पृथिव्यां वीरभोग्यायां लक्ष्म्यां चापल्यसंस्पृशि। स्त्रियां चाशक्यरक्षायां कस्य किं नाम नोचितम् ? ॥ २१॥
( नेपथ्ये) तर्हि प्रयत्नमादधीथाः, इयमेतामपहरामि । वत्से ! मास्म विषादिनी भूः । एहि त्वरिततरम्, त्वामहं विद्याधरराजमहिषीमाधास्यामि । ___ मल्लिका - 'हा अज्जउत्त ! हा ताद ! हा अंब ! एसा असरणा केणावि अवहरिज्जामि । (इति प्रलपन्ती तिरोधत्ते । ) ,
मकरन्दः - कथमपहृता प्रिया ? हा प्रिये मल्लिके ! त्वदपहारदुःखसाक्षी पापीयान् । (मूच्छति । पुनश्चेतनामास्थाय ) कथमहं दुरात्मा भनप्रतिज्ञः स्वमास्यं मल्लिकामातापित्रोदर्शयामि ? । तदनेनैवोपवनपाश्चात्यद्वारेण निर्गत्य प्रियाप्रेमोचितमादधामि । ( इति निष्क्रान्तः । )
॥ इति द्वितीयोऽङ्कः ॥२॥
१ हा आर्यपुत्र ! हा तात ! हा अम्ब ! एषा अशरणा केनापि अपहिये ।
Jain Education International
For Personal & Private Use Only
www.jainelibrary.org
