________________
मल्लिकामकरन्दनाटकम् |
सूत्रधारः-(सावष्टम्भम्) अत्रार्थे स्वयमेव कविना दुर्मेधसां मुखबन्धः कृतः । काव्यैर्यत्र कविप्रथा धनलवक्रीतैरपि प्राप्यते
गुम्फक्लेशमुपासितुं कृतधियां कस्तत्र काले क्रमः ? । ग्रन्तस्तदपि प्रबन्धकुसुमान्याजन्म विद्यामहे
कुप्यामो व्यसने चिरं विरचिते कस्मै परस्मै वयम् ? ॥८॥ ( नेपध्ये ) साधु भो भरत ! साधु, बान्धवोचितं समयोचितं श्रावितवानसि । सूत्रधारः - कथमेष मकरन्दनेपथ्यवाही भरतो भारतीमास्माकीनामनुमोदते । .
नटः भाव ! वरस्वत्वरस्व, संरब्धाः सर्वतोऽपि रङ्गोपजीविनः, समुत्सुकोsहं मनःसमीहितामर्थसिद्धिमासादयितुं सामाजिकेभ्यः । [ सूत्रधारः - ] मार्ष ! मा त्वरिष्ठाः ।
सर्वाऽपि महती सिद्धिः क्लेशान्तरितसम्भवा । विद्यावधूटिमाप्नोति सोढा काय मनः क्लमान् ॥ ९ ॥ ( नेपथ्ये ) इयं पुनरुपश्रुतिरस्माकं वधूलाभपुरस्सरां महार्थसिद्धिसम्पत्तिं पिशुनयति । सूत्रधारः - मार्ष ! तदलं वाचां विस्तरेण । एहि, करणीयान्तरमनुतिष्ठामः ( इति निष्क्रान्तौ । )
-
Jain Education International
|| आमुखम् ||
*
( ततः प्रविशति मकरन्दः )
मकरन्दः - परमार्थोऽयम् -
"कुप्यामो व्यसने चिरं विरचिते कस्मै परस्मै
वयम् ?"" न नाम द्युतकाराः सभिको वा प्रसह्य मां दूरोदर कर्मणि व्यापारयन्ति । तदत्र प्राचीनजन्मसहस्रोपार्जितानि दुष्कर्माण्येवापराध्यन्तिः न चाहम्, न च बाह्य लोकः ।
( साश्चर्यम् )
कौपीनं वसनं कदन्नमशनं शय्या धरा पांशुला जल्पोऽश्लीलगिरः कुटुम्बकजनो वेश्याः सहाया विटाः ।
For Personal & Private Use Only
www.jainelibrary.org
