________________
तरंगलोला
तो णं समुट्टिया हं भणामि मा भाहि न हु अजिण्णं मे । नवि य हु परिस्समो मे नवि य हु दट्ठा केणावि अहं ॥२७९ तो भणइ किं खु एयं निव्वत्त-महा सुरिंद-लट्ठि व्व । जं सि पडिया महियले मुच्छा-विहलेहिं अंगेहिं ॥२८० एवं खु निरवसेसं सुंदरि परिपुच्छियाए जं जायं । तं मे अयाणियाए कहेहि दासि त्ति काऊणं ॥२८१
अयं भणामि घरिणी सारसियं महुर-वयण-संलावे । मरगय-मणि-घर-सरिसे कयली-घरए सुह-निसण्णा ॥२८२ सुण सहि ते साहेमी सव्वं संखेव-घडिय-[सु]महत्थं । जं मुच्छ्यिा मि पडिया चोयय व्व आलस व्व(?) अहं ॥२८३ सम सुह-दुक्खा सम-पंसु-कीलिया तं सि मज्झ सम-जायो । सव्व-रहस्सं जाणसि तेण अहं तुज्झ साहेमि ।।२८४ कण्ण-दुवारमइगयं जह ते वयणाउ नेय नीहरइ । तह तं करेसि पिय-सहि साहिंजइ तेण तुह एयं ॥२८५ मह जीविएण तं साविया सि तेणेव सहि पहावेण । मा कस्सई वि एवं मज्झ रहस्सं परिकहेज्जा ।।२८६ इय सवह-परिग्गहिया सारसिया भणइ पाय-पडिया में । जह भणसि तहा काह इच्छामि कहेहि मे एयं ॥२८७ तुह पाएहिं सव्वं नियएणं जीचिएण पसयच्छि ।
आइ8 जं तुमए जह ह (?) नेय पयासेमि ॥२८८ नियव्व(?)मणुरत्तस्स तं सारसिया सि तं(?) तुह भणामि । न हु मे तुमे रहस्सं नेया(?) किंचि असाहियउ ति(?) ॥ २८९ पुव्वमणुभूय-दुक्खं तं मे अच्छीण बाह-परिगलणं । उक्कट्ठा(?) पच्चागय-दुक्ख-भीया न साहेमि ॥२९० तं सुणसु(?) अविसण्णा मा होहिसि य विमणा असीसन्ने(?)। पिय-विप्पओग-कलुणं सुह-दुक्ख-परंपरं सव्वं ॥२९१ सोयव्यय-दोहलिणीए तीए य एत्थोबविट्ठ-तट्टाए(?)। इणमो गलत-नयणा सोग-विसण्णा परिकहेमि ।।२९२
