________________
३२
तरंगलोल
महुयरि कुल योमिस्से ते भमरे कोमलेहिं हत्थेहि । बारेमि अल्लियंते मुहे निलेउं बवस्संते ।।२४३ ते तह वि वारियंता हत्थे मे उवसरंति सुट्टयरं ।
वारिय-पल्लव-परिचएण मण्णे अवीहता ।।२४४ तो हुल्ल (?पफुल्ल-)चंपयलय व्य तत्थ अह भमर-महु-यस् िगणेहि ।
अहियं रहे रसामी भय-पस्सिण्णा थरहरंती ।।२४५ सो मझ रसिय सहो पणासिओ तत्थ आरसंतीए । भमर-गण-दरिय-महुयरि विविह-विहग-सन्निनाएणं ॥२४६ हर-लाला-पेलवतरेण(?) तत्थ वारेत्तु उत्तरिज्जेण ।
ओच्छाए उण य मुहं विरलामि भएण ममराणं ॥२४७ नाणा-रयण-विचित्ता काम-सराणं निवास-भूया य । छिण्णा धावंतीए महुर-सरा मेहला तत्थ ।।२४८ बहुसो परिवीहंती अगणंती मेहलं तई खुडियं । किच्छाहिं भमर-रहियं पत्ता कयलीहरं घरिणि ।।२४९ तो धाचिया य सहसा तहियं आसासिय (?)गिह-चेडीए । भणिया य भीरु भमेरहिं तं सि न हु किर दुहविया ॥२५० तं सत्तियण्ण-रुकवं अहं पि पेच्छामि तत्थ हिंडंती। पउमसरुड्डीणाणं जं खंडं(?) छप्पय गणाणं ।।२५१ नव-सरय-पुप्फ-छण्णं सर-तड मउड घरं महुयरीणं । भूमियल-पुण्ण-चंदं भमराणं दंत(?वंद)यं पेच्छ ।।२५२ ताहि महिलाहिं संसग्ग-विसग्गं पुप्फ गण-लोलाहि । तं पेच्छिऊण सुइरं पउम-सरं मे गया दिट्ठी ॥२५३ चीर(?) कणय-वलय-चिलल्लियाए वामाए बाहियाए अह । अवठंभिऊण चेडिं तं परम-सरं पलोएमि ।।२५४ सउण-गण-विविह-मिहुण-भय-मुइय चायाल-नाय महालं । भमरालीण मणाहर-वियसिय-सयवत्त-वण-गहणं ॥२५५ कोकणद-कुमुय-कुवलय-विमाउल-तामरस बहल-संछण्णं। उज्जाण-चिंधपट्ट पेच्छामि अहं सरवरं तं ॥ २५६ संझायइ व्य रत्तुप्पलेहिं जोण्हायइ व्व कुमुएहि । गहायइ पत्त(?) नीलुप्पलेहिं सो य घरिणि (?) ॥२५७ उग्गायइ व्य महुअरि-रुएहि जा(?)यइ व हंस-विरुएहिं । नच्चइ व वाय-पयलिय-पउम-विलासग्गहत्थेहिं ।। २५८ दपिय-मुहरे कुररे रमियव्बय-वावडाउ आडीओ। धयरटे य पहढे पंडुरय-सोदर (?) पासं ।। २५९ रेहंते पउमाई छप्पय चाहेज्जमाण-मज्झाई । तवणिज्ज भायणाणि व तत्थ महाणील-मज्झइं ।। २६०
