________________
तरंगलोला
अहमवि अप्प-तइया ओइण्णा जाण-वाहणाहितो। ताहि महिलाहिं सहिया उज्जाण-वरम्मि पविसामि ।।२२६ उत्तुंग-धवल पायार गोरं फुल्ल पायव समिद्धं । वियरात महिलियाओ नंदणवणमच्छराउ व्व ॥२२७ भंजंति पुत्फ-गोच्छे बच्छाणं तत्थ लच्छि-निलयाणं । पल्ला-गोच्छ-धराणं पेच्छंतीओ उपवणं तं ॥२२८ एएह सत्तिवण्णं [प]क्खामो तं ति तो भणइ अम्मा । कुल्लेहि सूइओ जो सर-तड-जाओ त्ति कण्णाए ॥२२९ तो सो जुवई-सत्थो पयच्छ(?)ए मसिण-गमण-पत्थाणो । अम्ममणुयत्तमाणो णिएइ तं सत्तिवण्ण-दुमं ॥२३० अहमवि समवा(?ल्ली)णा धाई-सारसिय-चेडियाहिं समं । नयण-मण-मोहणेसुं पेच्छणय-सएसु लुभंती ।।२३१ सरय-गुण-समोयरियं नाणाविह पुप्फ-पीवर-सिरीयं । सव्य-जण-नयण-सुभगं उजाण-वरं पलोएमि ॥२३२ हिंडामि पुप्फ-मयरंद-पिंजरा महुयरी विव वर्गम्मि । कण्ण-सुहाणि सुणंती स्याणि पक्खी-सहस्साणं ।।२३३ तत्थ य घण-व्ववाए सरयागम-गलिय-पेहूण-कलावा । मोरोमय-परिहीणा जिय-जूययरु व्व वायति(? रोवेइ) ॥२३४ केली-घरए ताली घरे य चित्तघर-लावणघरे य । धारा-घरे य अयं मोहण-घरए य पेच्छामि ।।२३५ धूमायइ व्व सत्तच्छएहिं जलइ व असोय रक्खेहिं । तियइ व इज्जंतं पुटिफएहिं वाणेहिं उज्जाणं ॥२३६
संगलिय-बहल-पण्णं कुसुम-भरोणमिय-सव्वओ-छण्णं । अह तत्थ सत्तिवण्णं किंचि(?) परिपुण्ण-लायण्णं ॥२३७ तं फुल्ल गोच्छ-धवलं छप्पय-गुंजंत-पति-परिणद्धं ।। कय-नीलुप्पल-मालं व कामपालं पलोएमि ॥२३८ वाएणं पडियाओ पिंडीओ तस्स धरणि-मंडीओ । दहि-कूर मण्णता खुंटंति समंतओ काया ।।२३९ पत्त-पुड-प्पडिछण्णं नियय-थण-पमाण-पीवरं तत्तो । भंजामि पुप्फ-गोच्छ उत्ताणय-रुप्प-कोस-निभं ॥२४० तो मे मुह सयवत्तं सयवत्त-विसुद्ध-गंधियं सुरभि । पंकय-लोभेणं महुमत्ता भमरा उवसरति ।।२४१ भमरा रिभिय-मोहर-महुर-सुह-सरा सरा अणंगस्स ।। अल्लीणा मे वयणं पंकय-भतीए गुंजंता ।।२४२
