________________
तरंगलोला
उवनिग्गया मि सहसा चेडीणं चक्कवाल-परिकिण्णा । बाहिर-कोट्ट-लग्गं चाउस्सालंगणं रुंद ॥२०८ तस्थ तयं जुवइ-जणं दिटुं आभरण-वसण चिंघइयं । इंदस्स निलाए परिपिंडियं व पवरच्छर-समूहं ।।२०९ तत्थ य जाण-विलग्गो बइल्ल-निग्गहण चोयण-समत्थो।। बाहरइ सारही मं वोनूण अज्जो(?) व्व णोवालो(?) ॥२१० एहेह कुमारि तुमं संदिदु अज्ज सेट्ठिणा तुम्ह ।। उववण-गमण-विमाणं जाणमिणमणोवम-सिरीयं ।।२११ तो एवं जंपमाणेण तेण चेडेण तोरिया अहयं । सुह-वाअभक(? वाहय)मारूढा तं कंबल-पत्थयं जाणं ।।२१२ धाई य उवारूढा सारसिया चेडिया य मे जाहे । ताहे पयटियं तं घंटा-सद्दालयं जाणं ॥२१३ महिला-जण-सारक्षण-कय-वावारा य तत्थ कंचुइणो । घर-सयहरा परियणो मग्गेणं में समवणिति ।।२१४
एवं सुविरइय-मणोहरेण पउर-जण विम्हय-करेण । निग्गसणेण पवन्ना नरवइ-मग्गं सुगमणेण ।।२१५ नाणा-विवणि-समग्गं सामे(? हे)हिं आययं पुरवरीयं । पेच्छामि राय-मग्गं महग्घ सारोबम-सिरीयं ॥२१६ सारिय-जाल-कवाडा पेच्छण-लोलाहिं तत्थ जुबइहि ।
ओलोयण-उम्मिल्ला पेच्छंति ममं घरा घरिणि ॥२१७ पेच्छणय-उच्छुओ मं तत्थ जणो पेच्छए अणिमिसच्चे। जाण-विमाणारूढं लच्छि व जहा अइच्छंति ॥२१८ तत्थ य ठूण ममं राय-पहत्था[ण नयरि-तरुणाणं । तो किर वम्मह-सर-पहकरेण डज्झति हिययाई ।।२१९ रमियव्य-संपओगे मगोरहे तेहिं तह करतेहिं । जीविय-संदेह कर खणेण आयल्लयं पत्तं ॥२२० अच्छरसा-रूवाओ जुबईओ वि किर तत्थ कासी य । . दळूणमेय-रूवं मणोरहे एरिसे रूवे ॥२२१ मह रूव-सोउमल्लं विप्पेक्खिय हाव-ललिय-सीलं च । राय-वहे किर सव्वो वण्णेमाणो(?) जणो जाओ ॥२२२ राय पह च विसालं अणुगच्छंताण उत्थरंताण । गंधेण मे सुगंधेण तत्थ [हु] विम्हाविओ लोओ ।।२२३ एय मह चेडियाओ सोऊण जणस्स एव संलावे । अणुधाविऊण साहति निग्गयाओ पुरवराओ ।।२२४ पत्ता तं उज्जाणं जाणाणं उत्तरंति विलयाओ । उज्जाण तीर-देसे ठविओ पासम्मि आरक्खा ।।२२५
