________________
४
धन्न ते नर जहिं सामिसीमंधरो विहरए भविअजण - सव्वसंसयहरो । कामघट - देवमणि-देवतरु फलिअओ तीह घरि जीहरइं सामि ! तूं मिलिअओ ||१३||
करजुअल जोडि करि वयण तूं (तुह) निसुणिसो बाल जिम हेल दे पाय तुह पणमिसो । महुरसरि तुम्ह गुणगणह हउं गायसो रूव निअनयणि रोमंचिओ जोइसो ||१४|| तुम्ह पासे ठिओ चरण परिपालिसो
हणि कम्माणि केवलसिरि पामिसो । तुम्ह करु निअय जिण ! सिरसि संठाविसो सो वि कइआ वि मम होइसइ दिवसओ ॥ १५॥ भरहखित्तंमि सिरिकुंथु - अरअंतरे जम्म पुंडरगिणी विजय पुक्खलवरे । मुणिसुवयतित्थ - नमि अंतरं इह जा रज्जसरि परिहरिअ गहिअ संजम तया ॥१६॥
हणिअ कम्माणि लहु लद्ध-केवलसिरी देहि मे दंसणं नाह ! करुणा करि । भाविए उदयजिण सत्तमे सिवगए बहुअकालेण सिद्धिंगमी सामिए ॥१७॥
अनुसन्धान- ७५ (२)
मोहभर-मानभर-लोहभरभरिअओ दंभभर - रागभर - कामभरपूरिअओ । एह परि भरहखित्तंमि मूं सामिआ !
सार करि सार करि तारि गोसामिआ ! ॥१८॥
भोगपद-राजपद-नाणपद - संपदं
चक्किपद - इंदपद जाव परमं पदं ।
तुझ भत्तीइ सव्वं पि संपज्जए एह माहप्प तुह सयलि जगि गज्जए ॥१९॥
