________________
ओक्टोबर २०१६
सूकां पर्णो वन गजवतां, शान्त लीलां सदाये - डो. रमजान हसणिया
२३१
विद्याने खरा अर्थमा आत्मसात् करी शकनार परम आदरणीय ढांकीसाहेब मारा जीवनना एक खूणाने मारा स्मृतिप्रदेशने पण धन्य करी गया छे; अ धन्यतानी अभिव्यक्ति अर्थे ज लखवा प्रेरायो छं. आजथी त्रणेक वर्ष पूर्वे अमदावाद स्थित हठीसिंहनी वाडीमां नवनिर्मित शासनसम्राट - भवनना लोकार्पण प्रसंगे आचार्य वि. शीलचन्द्रसूरिनी आज्ञाथी जवानुं थयेलुं. आ कार्यक्रमनी व्यवस्थामां 'ढांकीसाहेब' अवुं नाम आवता आचार्यसाहेबनी आंखोमां भारो भार आदर छलकाई आवतो हुं जोई रह्यो हतो. ढांकीसाहेबने लाववा - लई जवानी व्यवस्था सन्दर्भे तेओ सूचना आपी रह्या हता. एटले सुधी के तेमना पाणी - पेशाबनी व्यवस्थानी पण साहेबने फिकर हती. आ बधुं जोई मारुं मन अम विचारे चडेलुं के आवा ते ढांकीसाहेब हशे कोण ?
बीजा दिवसे पातळी देहयष्टि, गोरो वान, अमीनीतरती आंखो तथा धीमा अने धूजता अवाजवाळी एक व्यक्तिनां दर्शन थयां, जेमने बधा ढांकीसाहेब तरीके सम्बोधी रह्या हता. में पण विनम्रतापूर्वक हाथ जोडी प्रणाम कर्या ने सामेथी वही आव्यो जाणे व्हालपनो दरियो विद्वानोनां वक्तव्योनो दोर आरंभायो ने ज्ञानना महासागर तेनुं चूपचाप पान करता रह्या. तेमनी आंखोमां तरवरती विद्यापिपासानां दर्शन ते घडीओ थयेलां ने मनोमन मन्त्रदीक्षा पेटे ज्ञान माटेनी आजीवन भूख मंगाई गयेली.
ओंचिता आचार्य महाराजनी आज्ञा थई, 'रमजान, ढांकीसाहेबनी भोजनव्यवस्थामां साथे रहेजे.' आपणा राम तो राजी राजी ! अमे एक कक्षमां गोठवाया ने ढांकीसाहेबनी भोजनसभा आरंभाई. भोजन करतां करतां केटलीय वातो करी. 'तमे बहु सारुं बोलो छो हों !' कही मारा जेवा छोकरडाने तेमणे ऊंचकी लीधो. आ वाक्य पाछळ नानामां नानी व्यक्तिने प्रोत्साहित करवानी तेमनी भावना ज कारणभूत हती. मारा गुरुवर्य प.पू. उपा. श्रीभुवनचन्द्रजी म.सा. साथे तेमने वर्षोथी परिचय. एटले ज्यारे में गुरुकृपानी वात करी त्यारे हु ज नम्रभावे तेमणे कह्युं के 'वर्तमान जैन श्रमणोमां बहु ज जूज बच्या होय तेवा उत्तम साधु भगवन्तोमांना एक भुवनचन्द्रजी छे.' मारा गुरुदेव माटेनो तेमनो
