________________
१६२
अनुसन्धान-७०
डो. मधुसूदन ढांकी स्मृतिशेष विख्यात स्थापत्यविद्, पुरातत्त्वविद्, इतिहासविद्, डॉ. मधुसूदन ढांकी हवे आपणी वच्चे नथी रह्या !
ता. २९ जुलाई २०१६नी रात्रे ११-४०ना सुमारे, अमदावादमां डो. पारेखनी होस्पिटलमां डॉ. ढांकीए देहत्याग कर्यो, त्यारे तेओ तेमना आयुष्यना ८८मा वर्षनी पूर्णाहुतिना आरे हता. ता. ३१ जुलाईए तो तेमनो जन्मदिन हतो !
डॉ. ढांकी, तेमना, अमारा जेवा सेंकडो चाहको माटे, आदरणीय ढांकीसाहेब हता. तेओ समाजना तेमज साहित्यजगत्ना बाल, वृद्ध, युवान. - तमाम उमरना लोकोने पोताना मित्र बनावी शकता हता. साहित्य, ते गुजराती होय, हिन्दी होय के अंग्रेजी होय, सर्जनात्मक होय, समीक्षात्मक होय के संशोधनात्मक होय, तेनी तमाम विधाओना तथा प्रवाहोना सम्पर्कमां रहेवू, तेना शोधक-सर्जको साथे पण शक्य सम्पर्क धराववो, अने ते सघळा विषे, सहुने आश्चर्य थाय ते हदे, पोतानी टिप्पणी, प्रतिभाव अने विश्लेषण आपवा, आ तेमनी सहज-विलक्षण क्षमता हती. विद्यानी अगणित शाखाओमां तेमनी गति अने पहोंच हती. तेमनो शब्द, शोधजगत्मां प्रमाणभूत अने आखरी गणातो. माणस तरीके तेओ खूब मिलनसार, प्रेमाळ अने हसमुखा हता. टीखळ अथवा रमूज ए तेमना स्वभावनो एक मजानो हिस्सो हतो. तेमना विषे आq तो घणुं कही शकाय.
__ आवा सर्वप्रिय ढांकीसाहेबने गुजराते ओळख्या नहि, जैन समाजे तेमने पिछाण्या नहि, ए. केटलुं विचित्र लागे !
ढांकीसाहेबनी चिरविदायथी वैश्विक तेमज भारतीय विद्याविश्वमां कदी भरपाई न करी शकाय तेवी खोट पडी छे. तेमना विद्यापूत आत्माने माटे शान्ति प्रार्थीए. ___ढांकीसाहेबने अंजलिरूपे 'अनुसन्धान'नो हवे पछीनो अंक 'डॉ. ढांकी विशेषाङ्क' तरीके प्रगट करवामां आवशे. साहित्यकारो तथा संशोधक मित्रोने पोताना शोध-लेख अने स्मरण-लेख पाठववा विज्ञप्ति.
