Page Text
________________
जून - २०१५
अनुसन्धान-६७
भागाण दो सहस्सा, दसुत्तरा हुंति सरिसखेत्ताणं २०१० । तिन्नि सहस्सा पनरस, य चेव भागा उ सेसाणं ३०१५ ॥१३॥ एगससिरिक्खखेत्तं, चउप्पन्नसहस्स नवसए काउं ५४९०० । भागाण जहाभणिअं, तओ विभज्जिज्ज भागगणं ॥१४|| समखित्तेसुं तीसा ३०, पणयालीसा ४५ दिवड्डखित्तेसु । पन्नरस १५ अवड्डखित्तेसु, होइ भोगो मुहुत्ताणं ॥१५॥ अभिजिए नव मुहुत्ता, सगसट्ठीभाग सत्तवीसाउ । सव्वो वि एस कालो, ससिभुत्तो रिक्खमासो त्ति ॥१६।। भागाण सत्तसट्ठी ६७, रिक्खगयाणं ससी मुहुत्तेण । चरइ दिवसेण सहसे, दो पुण दसभाग अब्भहिए २०१० ॥१७॥ एगदिवसस्स भोगेण २०१०, भाइए रिक्खभागरासिम्मि ५४९०० । उडुमासे तीसाए, ओअट्ठ अंसछेआणं ॥१८॥
भणिओ नक्खत्तमासो ॥ जो पुण चंदमासो, निष्फज्जइ सो तिहीण तीसाए । तिहिमाणं पुण ससिणो, खयवसओ वुड्डिवसओ अ ॥१९॥ सोलसभागे काऊण, उडुवई हायएऽत्थ पन्नरसं । तत्तिअभागे अ पुणो, वड्डइ सो सुक्कपक्खेण ॥२०॥ भागखयवुड्डिकालो, बासट्ठि विभाइअंमि' दिणकाले । जे इगसट्ठी भागा, तत्तुल्लो होइ नायव्वो ॥२१॥ इगसट्ठी जे भागा, भणिआ माणं तिहीए पुव्वमिह । ते तीसाए गुणिआ, भइआ बासट्ठिछेएणं ॥२२॥ लद्धं इगुणतीसं, दिवसा अंसा बिसट्टि बत्तीसं । इत्थं तीस तिहीओ, एसु च्चिअ चंदमासु त्ति ॥२३॥ अहवऽन्नहा भणिज्जइ, ससिमासो तत्थ सोलस कलाओ । ससिणो हवंति बिबे, मुत्तु कलं सोलसिं तासु ॥२४॥ इक्केक्का इगसट्ठी, भागा किज्जति पनरसकलासु । जाया पंचदसुत्तर-नवसयभागा तओ ताण ९२५ ।।२५।। बासट्ठी बासट्ठी, दिवसे दिवसे उसुक्कपक्खस्स । जे परिवड्डइ चंदो, खवेइ ते चेव कालेण ॥२६॥
इअ एगा चंदकला, एगो तस्सेगसट्ठिभागो अ। दिवसेणं वड्डन्ती, हायन्ती भागा तओ सव्वे ॥२७॥ दिणचउदसगेणं स-तचत्तबासट्ठिभागअहिएण । सुज्ज(झं?)ति खिज्जति अ, पक्खदुगेणेस ससिमासो ॥२८॥ कसिणपडिवयपयट्टो, सिअपक्खऽन्तिमतिहीए निम्माओ । एसो रिउमासो पुण, सव्व च्चिअ तीसयं दिवसा ॥२९।।
भणिआ चंदमास-रिउमासा ॥छ। मेसाईया बारस, रासी रिक्खाई तत्थ अडवीसा । सवणुत्तरसाढंत-ग्गओ उ अभिजी जणे रूढा(ढो?) ॥३०॥ पुव्वनिरूविअणक्ख-त्तखित्तभागाण ५४९०० रासिसंखाए । भइआ दुवालसल-क्खणाए लब्भइ तओ एअं ॥३१॥ पणयालसया पणस-त्तरी अ नक्खत्तखेत्तभागाणं । इक्केक्करासिमाणं, एसो रविभोगकालो सो ॥३२॥ तीसं दिवसा अद्धं, दिणस्स एसो अ सूरमासो त्ति । भागे पंच मुहुत्ते, अवट्ठिए भुंजई सूरो ॥३३|| दिवसेण दिवड्डसय, एवं भुंजंति सूर मासेणं ।
मेसाईरासीणं, भागा सव्वे वि पत्तेअं ॥३४॥ ततश्च - पुव्वत्तरासिभागा ४५७५, दिणभोगेणं १५० जया विभज्जति । तइआ तीस दिणाई, लद्धाई अखण्डरूवाई ॥३५|| जो पणसत्तरिरूवो, अंसो ७५ छेओ दिवड्डसइओऽत्थ १५० । तेसि पणसत्तरीए, उव्वट्टे लब्भइ दिणद्धं ॥३६।।
भणिओ आइच्चमासो ॥छा। जम्मि वरिसम्मि तेरस, ससिणो मासा हवंति सो वरिसो । बारस भाए कज्जइ, अभिवड्डिअमासु सो होइ ॥३७॥ तथाहि -
तेरसससिमासेसु, तेसीआ सय दिणाण तिन्नेव । चोआलीसं भागा, बासट्ठि सवन्निए तम्मि ॥३८॥
| SR No. | 520568 |
| Book Title | Anusandhan 2015 08 SrNo 67 |
| Original Sutra Author | N/A |
| Author | Shilchandrasuri |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2015 |
| Total Pages | 86 |
| Language | Sanskrit, Prakrit |
| Classification | Magazine, India_Anusandhan, & India |
| File Size | 1 MB |