Page Text
________________
नवेम्बर - २०१४
अनुसन्धान-६५
खीमसरा गोलीया अरु सांड, महिमै कर धमकी मांड, श्रीश्रीमाल अरु सराप, जपते सदा प्रभूकै जाप, ३१ ।। घोघड रूगटीया वड रीत, पाले सदा ध्रमकी प्रीत, वली ललवाणी अरु मणीयार, दीपत वडे ही दीदार. ३२ भारी ओप भंडसालीक, छावा चौधरी है ठीक, सच ओप नगर ही सेठ, भल नर ल्यावते बहु भेट. ३३ पंडित वडे पोहकरणाक, भागवत वेद मुखथी भाख, श्रीमाली— विप्र ५ सयान, पूरै पढत वेद पुरान. ३४ कायस्थ दौतकलम ही कान्, धरते ईश्वरीका ध्यान, मक्के भेट मुसलमान, जाकू सव्व(च्च?) जन ही जांन. ३५ *आसण मठ असतल आख, देख्या सिद्ध संत ही दाख, पातर भगतणी बहु पेख, वैश्या वलि हे जूं विशेष, वरण्या सहिरका वाखांन, पवन छत्रीस है परमान. ३६ बाहिर नगर थानिक बोल, अब सुण चित्त आणइ लोल, सागर वखत फुन है सूर, बाल ही समुद्द बहु भरपूर. ३७ वणीया महिल तिहां विशेष, दोड ही आवते नर देख, वणीया तिहां अधिका बाग, फुनि तिहां खेलते नर फाग. ३८ [वडा] मंडोवर का मंडाण, जिहां वीर काला-गौरा जांण, नागाधडी मेला मंड, बहु नर आवतै परचंड. ३९ अवर ही देवतां आवास, जग-नर पूजते बहु जास, जूंना राजवीका जान, मिंदर बहुत है मंडाण. ४० पारसनाथका परसाद, वलि असमानसे करे वाद, उहां उपासरा बहु ठाम, सेठ राजाराम खरच्या दाम, ४१ प्रबल माली बहु ग्रह पेख, वाडी बागज्युं विशेष, लंबै पूंछ वृद्धि लंगूर, सही तिहां कूदतै ऊग-सूर. ४२ बाग ही रायका वडाक, निपट ही रत्तही तडाक, सरवर सेखावत्तका सच्च, मानव स्नान गहगट मच्च. ४३ तलाव ही वहुजीका ताम, नित वड संत लै प्रभू नाम, सिंघवी अखेराज सयांन, जाका निरमल सरवर जांन. ४४
कागा बाग है केसाक, अवर न देखीया एसाक, केते बाग केक मठान, वलि कीया सुछिमार ही वाखान. ४५ वरण्या सहिरका वाखाण, मेरी मत के उनमान, ईषत नगर गुण अणपार, पंडित पढे नावै पार, ४६ वली अढार [ए]कोतर (१८७१)वर्ष, हिकमत करी काती हर्ष, निपट ही पूर्णिमा तिथि नीक, छावी गजल कीनी ठीक. ४७ तपगछ गछमै सिरताज, रिधु जिणंदसूर ही राज,
पंडित भक्ति महिमा मोड, कहि मनरूप कवि कर जोड. ४८ कलस : योधनयर जग जांण, इंद्रपुरी सम ओपत,
वाजत वज्ज छत्तीस, नित ओछव कर नरपति, राज-रिद्ध वड रीत, प्रीत नर-नार संपेखै, अही सूर अडग, दुनी वड नर थे देखो, वाह जी वाह ओपम वडिम, मनुष्य घणा सुख-मांनरी, कवी दीठी जिसडी कही, जग-सौभा योधांण री. ५० [४८]
॥ इति गजल सम्पूर्णम् ॥ दूहा : पुर बाहिर वणीयो प्रचंड, मिंदर महा सुहाय,
सुखदायक नायक सकल, कीर्ति करत कविराय. १ जबर झरोखा जालियां, विचमै चोक विसाल, सुंदर काम सुहामणो, निरख्या करै निहाल. २ नाथ जलंधर राजकुं, जपै मांन महाराज, देवनाथजीको दरस, कीया हुवै सिध काज. ३ हाटा थट्ट बाजार हद, बागा खूब वणाव, झाझा भरीया झालरा, चिहुं दिस देखण चाव. ४ महिल झरोखा मालिया, वणीयो काम विशेष, सरणै आयां सुख कर, सुधरै काम अनेक, ५ नगर घणा इण मुलक मै, एक एकथी सार, पिण सहु नगरां सेहरो, योधनयर सुखकार. ६
| SR No. | 520566 |
| Book Title | Anusandhan 2014 12 SrNo 65 |
| Original Sutra Author | N/A |
| Author | Shilchandrasuri |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2014 |
| Total Pages | 360 |
| Language | Sanskrit, Prakrit |
| Classification | Magazine, India_Anusandhan, & India |
| File Size | 1 MB |