________________
जुलाई - २०१४
.
१३१
अन्येषां च मुनीनां, श्रीवन्द्यक्रमणसेवनपराणाम् । नत्यनुनती यथार्ह, प्रसादनीये शिशोः शिशुभिः ॥२०॥ अत्रत्या बुधमुख्या श्री........................... । प्रणमन्ति वन्द्यचरणान्, प्रणतेन्द्रान् सकलसाधुयुताः ॥२१॥ कृत्यं प्रसादनीयं, शिशूचितं सत्कृपां विधाय शिशोः । श्रीसङ्घस्य [च] प्रणति-रवधार्या वाचकोत्तंसैः ॥२२॥ मन्नाम्ना नन्तव्याः, श्रीमद्वन्द्यैः सदा जिनाधीशाः । कार्त्तिकसितपञ्चम्यां, सहस्रभानाविति श्रेयः ॥२३॥
॥ इति श्रीविज्ञप्तिः ॥श्री।।
___ पत्र खरडो नं. ३ स्वस्तिश्रीमरुदेवीयं, प्रासूत प्रथमं जिनम् । पद्मपाणिमिव प्राची, साधुचक्रसुखावहम् ॥१॥ स्वस्तिश्रीवृषभो यस्य, पदद्वन्द्वपयोरुहम् । सेवां कर्तुनि(मि)वाऽऽयासी-ल्लाञ्छनव्यपदेशतः ॥२॥ स्वस्तिश्री: पर्यणैषीद् यं, श्रीनाभिनृपनन्दनम् । रोहिणीव निशानाथं, सत्तारानन्ददायिनम् ॥३॥ स्वस्तिश्री: सेवतेऽर्हन्तं, प्रथमं नाभिराट् सुतम् । चाणूरसूदनमिव, सुता श्रोतस्विनीपतेः ॥४॥ प्रणिपत्य तमर्हन्तं, प्रथमं परमात्मनाम् । नमन्नरेन्द्रकोटीर-सङ्क्रान्तनखसञ्चयम् ॥५॥ संयता(ताः?) संयता यत्र, राजन्ते वारिदा इव । अपूर्वजडसाङ्गत्यं, बिभ्रतश्चाऽम्बरोन्नतिम् ॥६॥ विरताविरता यत्र, भासन्ते भ्रमरा इव । नालीकमधुसाङ्गत्य-धारिणः सुमनःस्पृहाः ॥७॥ अमर्य इव सुन्दर्यो, नार्यो यत्र विरेजिरे । पुरेऽनिमेषसंवीक्ष्या, स्फुरद्गोप्रीतचेतसः ॥८॥
Jain Education International
For Personal & Private Use Only
www.jainelibrary.org
