________________
(१-६)
पं. श्रीशान्तिसुन्दरगणिलिखितं पत्रषट्कम्
(१) स्तम्भतीर्थस्थ-श्रीसोमसुन्दरसूरि प्रति प्रेषितं पत्रम्
........ ...................... ................. पिञ्जरतरैर्भामण्डलैर्भूषयन्,
शान्तिस्तीर्थपतिः सतां स तनुतां, तान्तेर्व्यतीतं पदम् ।।३।। योऽत्याक्षीदायताक्षी नृपतिवरसुतां पुण्यकारुण्ययोगात्,
योगासङ्गं वितत्याऽकलयदविकलां यश्च कैवल्यलक्ष्मीम् । हन्तुं भावारिवारं भुवनभयकरं व्यूढवर्मेव भाभिः,
स श्रीमान्नेमितीर्थाधिपतिरसुमतां सम्पदे संविदे च ॥४॥ प्रेयस्यर्चय पन्नगेश्वरपति कोऽञ्चेत् प्रभो! शङ्करं,
स्वच्छे! श्रीपुरुषोत्तमं स्तुहि न हि स्वामिन्! स्तुतिर्मे हरौ । वन्देथाः परमेष्ठिनं प्रियतमे! किं ब्रह्मनत्या विभो!,
यत्सेवास्विति सङ्कथा दयितयोः पार्श्वः स वः श्रेयसे ।।५।। नम्रा यन्नखपङ्क्तिषु प्रतिकृतेः सद्यो दशास्यश्रियं,
___ स्वस्याऽऽलोक्य जगज्जयं करतले कुर्वन्ति चित्रं न तत् । त्यक्त्वा यज्जनकात्मजोपरि रतिं यायुः परां निर्वृतिं,
तत्त्वाश्चर्यमनारतं स भगवान् वीरोऽस्तु वः शर्मणे ॥६।। जिनेन्द्रदेवं जगदर्चनीयं, गुरून् सुसाधून् गुणराजिभाजः । प्रमाणसिद्धं जिनधर्ममेव, यत्राऽऽस्तिकास्तत्त्वतया विदन्ति ॥७॥ यत्रोत्तुङ्गविहारहारिणि सुधाश्वेतांशुशुभ्राञ् जिना
___कारान् वीक्ष्य विवेकिनः स्मृतिभरैः संस्थापयन्तो हृदि । तय॑न्ते व्यवसायिभिः किमु अमी भूयिष्ठलाभार्थिनः,
शुक्लध्यानकणोत्करान् विदधतो कोष्ठे विशिष्टे निजे ॥८॥
Jain Educationa International
For Personal and Private Use Only
www.jainelibrary.org
