________________
31
जातना उल्लेखने कारणे क्षेत्रनुं नाम सुधा-अमृत, अटले अमृतसर समजवू के अमरसर-एवो सवाल थाय. परन्तु गा. ४ तथा ६मां आवतो 'पंचणय' शब्द वांचता संशय नथी रहेतो. पंचणय - पञ्चनद - पंजाब आ स्वयंस्पष्ट छे. वळी १८८४मां (पत्र २५ प्रमाणे) जो आ. लक्ष्मीचन्द्रजी पटियालामां होय तो, तेमना ज पक्षना अन्य आचार्य (के तेमना शिष्य ? किं वा पट्टधर ?) १८८५मां अमृतसरमां होई शके. रघुनाथजी (पत्रलेखक) पण पटियालामां मोजूद होवानुं २५मो पत्र वर्णवतो होई 'लक्ष्मीनिवास' ए पण पंजाबना ज कोई क्षेत्रनुं संस्कारित नाम होवू जोईए.
११मी गाथामां आचार्यने लुंकागणाधिपति तरीके वर्णव्या छे. पोते पर्युषण पछी व्याख्यानमां भगवतीसूत्र वांचता होवा, पण जणावे छे. बाकी बधी वातो तो दरेक पत्रने मळती ज छे, तेथी ते बधुं वर्णन अहीं नोंधवानी आवश्यकता नथी जणाई. आ पत्र ला.द. विद्यामन्दिरथी प्राप्त थयो छे.
(२८) १४९ श्लोकप्रमाण-प्रलम्ब, आरम्भना २६ श्लोको विनानो-त्रुटित अने अधूरो आ पत्र तपगच्छपति (सम्भवतः विजयसेनसूरि) उपर, वसहीपुरथी पं. देवविजयजीए लखेल, एक लघुकाव्य जेवो पत्र छे. बीजा पत्रो करतां आ पत्रमां विशेष ए छे के अहीं २६ पद्योमा मङ्गलाचरण कर्या बाद कवि पहेला २७३५ पद्यो वडे गूर्जर देशनुं वर्णन करे छे, अने पछी नगरी- (नामनो उल्लेख नथी, ख्यालमां आवतो नथी) वर्णन ३६-७१ पद्योमां करे छे. सामान्यतः पत्रोमां देशनो क्वचित् ज उल्लेख मात्र होय, पण वर्णन नहि. पद्य ७१मुंवांचतां ते नगर कोई तीर्थरूप नगर होय तेवो संभ्रम जन्मे छे. आ पद्यना तृतीय चरणगत 'तत्र' शब्दथी, ते (अज्ञात) नगरनुं वर्णन त्यां समाप्त थतुं होवानुं जणायुं छे, अने तेथी, ७२मां पद्यथी 'वसही'नुं वर्णन शरु थई रह्यु होवा- समजीने सम्पादन कर्यु छे. जोके देखीती के प्राथमिक दृष्टिए तो ३६ थी ७५ सुधी वसहीपुर वर्णन ज लागे. परन्तु खरेखर एवं न होवू वधु योग्य छे.
* मङ्गलना आ बे श्लोक सं. १८९७मां पालीथी जयशेखर पण्डिते जेसलमेरस्थित
श्रीजिनमहेन्द्रसूरि पर लखेला पत्रमा (अनु. ३३मां प्रकाशित) पण यथावत् जोवा मळे छे. फक्त नगरनाम 'सुजेसलमहादुर्गे' अवो तफावत छे.
Jain Educationa International
For Personal and Private Use Only
www.jainelibrary.org
