________________
२१०
अनुसन्धान-६१ : विज्ञप्तिपत्र-विशेषाङ्क - खण्ड २
(४७) पं. श्रीलब्धिविमलेन प्रेषितं विज्ञप्तिपत्रम् (अपूर्णम्) स्वस्तिश्रीभरभाजनं सुनयनं निःशेषलोकावनं,
मुक्तासन्ततिराजमानरदनं वाक्योल्लसच्चन्दनम् । नाभेयादिजिनं सुखालिजननं कन्दर्पविध्वंसनं,
वन्दे लोभविनाशनं नतजनं मोक्षायतस्पन्दनम् ॥१॥ स्वस्तिश्रीनिलयं दयारसमयं निश्शेषसौख्यालयं,
सद्विज्ञातनयं सदोदयमयं निष्पादिताघव्ययम् । गम्भीराम्बुचयं गुणावलिमयं सम्पत्करं निर्भयं,
श्रीवामातनयं सदा सविनयं वन्दे प्रवृद्धोदयम् ॥२॥ आख्यातमीश! भवता भवतापतप्त
जीवौघचन्दनरसं नरसङ्घवर्याः । केचित् कृपारसमयं समयं निषेव्य,
संयान्ति सिद्धिरमणी रमणीयशोभाम् ॥३॥ श्रीमत्कुशेशयमुखं सततं गताशं,
खेदं विना मथितकर्मविपक्षविश्वम् । रम्येन्द्रनीलकरणं शरणं तनूपां,
शं दायकं भविकदेहभृतां च शैवम् ॥४॥ योऽजय्यो जगतामपीश! भवता प्रोत्सर्पिदर्पोद्धरः,
कन्दर्पो विजित: स एष चरणाम्भोजन्म ते सेवते । व्यञ्जत्केसरिलक्ष्मतोऽद्भुतमिव ब्रह्माच्युतेशादयः,
स्वायत्ता विहिता मृगा इव मया सिंहेन भाऽन्वहम् ॥५॥ भ्रान्त्वा भूवलयं गता तु गगने त्वत्कीर्तिहंसी सिता,
तत्र स्रष्टुमरालसङ्गमवशाद् गुर्वण्यभूत् साम्प्रतम् । मुक्तं भाति ययाऽण्डकं पृथुतरं मन्दाकिनीरोधसि,
बिम्बं रात्रिपतेरिदं जिनपतिः स स्ताच्छ्येि सन्ततम् ॥६॥ यस्येशितुः पादयुगस्य तुल्यता, प्रफुल्लपद्मन समं न युज्यते । जडाश्रितेनाऽजडसङ्गिनोऽनिशं, रजोविमुक्तस्य रजोविराजिना ॥७॥
Jain Educationa International
For Personal and Private Use Only
www.jainelibrary.org
