________________
June-2006
21
पणसच्चित्ता त्तीसं दव्वाई गणियफलसयं एगं । मवियाण दुन्नि माणा दुउच्छुलट्ठी य दुगवीसं ॥२३।। सोलस पन्ना खंडिय पसई दिवसंमि सत्त तियलिओ । कणगपलाणयदसगं वीसं अंगोहली मासे ॥२४॥ ण्हाणतिग कुंकुमाई भोगे इगदम्म खट्टदसगं मे । एलाइपलं दिवसे पलाणि दस तोलियफलाणं ॥२५॥ वज्जे वि जाइकम्मं खरकम्मं तह य मासमझमि । कम्मादाण तु भोगे मुक्कलया दम्म मे वीसं ॥२६।। वज्जे अणत्थदंडे अजरामरमाइचरिमवज्झाणं । जूयंदोलज्झिल्लण-विरुद्धविगहापमायं च ॥२७॥ पइदिवसं वावारं वज्जे पुढविजलवाउवणकाए । चउरो चउरो पहरा तेउक्कायंमि पहरदुगं ॥२८॥ दक्खिन्नभयाभावे खग्गाई हिंसए न अप्पेमि । थूलं पावुवएसं वज्जे गोणाइदमणाई ॥२९॥ सामाइय तीस वरिसे दो पोसह वंदणाण सद्धीया । सज्झाइसहसदसगं जोयणदसगं दिणे जामि ॥३०॥ अट्ठमिचउदसि चउमास पज्जुसवणेसु सति सब्भावे दुगभत्तं । (?) अन्हाणं बंभवयं न करे चीराइधुअणाइं ॥३१।। सम्ममसंभरणे तह तिहीणणंतरतिहीसु मे नियमा । वरिसेहं सत्तीए दम्मद्धं देमि जिणधम्मे ॥३२।। अट्ठदसपावट्ठाणे चिरकय अहिगरण सव्वमाहारं । मज्झिमखंडा बाहिं तिविहं तिविहेण मे चत्तं ॥३३।। जइ कहवि पमायवसा भंगो पुव्वुत्त होज्ज नियमेसु । सज्झाय पंच उ सए एकासणयं च काहामि ॥३४॥ जत्थ विसिट्ठो नियमो न य लिहिओ सोवि एगतिविहेणं । नेओ दुवालसवए धरेमि सत्तीए जाजीवं ॥३५॥ मोत्तुं रायभिओगं गणाभिओगं बलाभिओगं च । देवाभिओग-गुरुनिग्गहं च तह वित्तिकंतारं ॥३६।।
Jain Education International
For Private & Personal Use Only
www.jainelibrary.org
