________________
10
अनुसन्धान ३६
तक्खसिलाए उसभो विआलि आगम्म पडिम उज्जाणे । जा बाहुबलि प्पभाए एई ता विहरिओ भयवं ॥५६।। तो तहिअं सो कारइ जिणपयठाणम्मि रयणमयपीढं । तदुवरि जोअणमाणं मणिरयणविणिम्मिअं पवरचकं । तं धम्मचक्क तित्थं भवजलनिहिपवरबोहित्थं ॥५८॥ सिवनयरि कुसम्मवणे पासो पडिमट्ठिओ अ धरणिंदो । उवरि तिरत्तं छत्तं धरिंसु [पउमावई देवी (?)]॥५९॥ ता हेउं सा नयरी अहिछत्ता नामओ जणे जाया । तहिअं नमिमो पासं विग्यविणासं गुणावासं ॥६०॥ पडिमाए ठिअं पासं कमठो हरि-करि-पिसायपमुहेहिं । उवसग्गिअ तो वरिसइ अखंडजलमुसलधाराहि ॥६१॥ उदगं जिणनासग्गं पत्तं तो लह करेइ धरणिदो । जिणउवरि फणाच्छत्तं सो ..... देहबहिपरिहिं ॥६२।। चलणाहो गुरुनालं कमलं तो कमठ खामिउं नट्ठो । धरणो गओ सठाणं जिओवसग्गं नमह पासं ॥६३।। सिरिवयरसामिपढमारुहिए सेलम्मि तेसि खुड्डेण । पढमं कयमाराहण ..... तओ चउरो ॥६४॥ रहरूढो पायाहिण काउं महिमं करिंसु खुड्डुस्स । [सक्काईया (?)] रहआवत्तं तित्थं [च] तं नमिमो ॥६५।। सिरिवइरसामिराहण-गरिम्मि सक्को रहेण अह करिणा । पायाहिणंतो सो विअ रहावत्तो कुंजरावत्तो ॥६६।। जत्थ य वज्जपलाणो चमरो वीरप्पयंतरि निलुक्को । हरिणा मुक्को तत्तो जिणपुरओ दसए नढें ॥६७।। तो तहि तित्थं जायं चमरुप्पायं च सुंसुमारपुरे । से ... वीरं तिहुअणजणवच्छलं नमिमो ॥६८॥ इअ बहुविह अच्छेरय-निहीसु अट्ठावयाइठाणेसु । पणमह जिणवरचंदे सुभत्तिभरनमिरमाहिंदे ॥६९॥ मासं पाओवगया वग्घारिअपाणिणो जिणा वीसं । सिद्धिगया जत्थ तहिं नमिमो संमेअगिरिसिहरं ॥७०॥
Jain Education International
For Private & Personal Use Only
www.jainelibrary.org
