________________
62
अनुसन्धान-३१
श्राविकाणां चतुर्विंशतिनमस्कार पढममुणिवर जणमणाणंद सुरनाहसंथुअचलण भरहजणय जय पढमसामिअ । संसारवणगहणदव चत्तदोस अपवग्गसामिअ ॥ लोआलोअपयासयर पयडिअधम्माधम्म । सुविहाणं तुह रिसहजिण ! दुज्जयनिज्जिअकम्म ॥१॥ जेण दाणव-सिद्ध-गंधव्व विज्जाहर-किन्नरहं मलिउ माण नरनाहविंदह । हरि-रुद्द-चउराणणह सूर-चंद-गोविंद-इंदह ।। सो पसरंतउ देव ! पई निज्जिअ-भडकंदप्प । सुविहाणं तुह अजिअजिण ! जस एवडु माहप्प ॥२॥ जेहिं पुज्जिय देव ! तुह पाय सुपसत्थलक्खणसहिअ नहमऊरकिरणोहरंजिय । गुरुकम्मनिन्नासय कणयकंति सुरराजपुज्जिय ।। ते नर भुंजई सिवसुहई पुण पावई निव्वाणु । संभव ! भवनिन्नासयर ! तुह निम्मल सुविहाण ॥३॥ ताव दुत्तर देव ! संसारु ता दुग्गइगमणभउ ताव कोहमयमाणमत्तओ ताव समसुहरहिओ जा न देव ! तुह सरणि पत्तओ ॥ तुह सरणागयवच्छलह उप्पज्जइ वरनाणु अभिनंदण ! अभिनंदहर ! तुह निम्मल सुविहाणु ॥४॥ कणयसुंदर-रयणसिरग्गु नंदणवणगहिरतरु मेरुसिहर जिणभवणि मंडिअ । सुर-असुर-चारणमुणिहिं सिद्ध-जक्खसंघट्टपट्टिर(पंडिअ?) || तहिं अहिसित्तउ देव तउं तियसिहि भत्तिभरेण । . सुविहाणं तुह सुमइजिण ! जयजयकाररवेण ॥५॥ सरयसंभवपउमदलनयण वरपउमवियसियवयण पउमगब्भसमवनसामिअ । नवपउमप्पहवरचलण पउमदलय पउमाससंठिअ ।।
Jain Education International
For Private & Personal Use Only
www.jainelibrary.org
