________________
खेदकारक निधन
पं. अमृतलाल भोजक पंडित श्रीअमृतलाल मोहनलाल भोजक, ताजेतरमा, आशरे ९० वर्षनी जैफ वये दुःखद अवसान नीपज्युं छे. मूळ पाटणना, पाछळथी जीवनना छेडा सुधी अमदावादमां स्थायी थयेला आ पंडितवर्यनुं जैन आगमो तथा विशेषतया प्राकृत भाषाओ विशेनुं ज्ञान अगाध हतुं. आगमप्रभाकर मुनि श्रीपुण्यविजयजी जोडे घनिष्ठ संबंधथी जोडायेला पंडितजीए मुनिजी साथे रहीने तथा स्वतंत्रपणे पण अनेक आगमिक तेमज आगमेतर ग्रंथोनां प्रमाणभूत संपादनो आप्यां छे, जेमां 'पइण्णयाई', 'मूलशुद्धिप्रकरण' वगेरेनो समावेश थाय छे. तेमनी चिरविदायथी प्राकृत तेमज जैन विद्याजगतने एक न पूरी शकाय तेवी खोट पडी छे. 'अनुसंधान' तेमना दिवंगत आत्मानी शान्ति माटेनी प्रार्थनामां तेनो सूर पूरावे छे, अने तेमना परिवारने दिलसोजी पाठवे छे.
पंडित श्री दलसुखभाईना स्वर्गवास थयाना समाचार जाण्या. दर्शनशास्त्रना विषयमां तेमनुं आगq प्रदान हतुं. पंडित सुखलालजी पासेथी ते ते विषय- ज्ञान पण तेमने मळ्युं हतुं. भायाणीभाईने तो तेमनी साथे मैत्रीभाव भर्यो मीठो संबंध हतो. आत्मीयतानो भार पण संधायेलो हतो. तेओना समाचार पछी चार पांच दिवसमां ज बीजा समाचार पंडित अमृतभाई भोजकना मळ्या. तेओ पण स्वर्गवासी थया !
प्राकृत भाषामां तेओनी आगवी सूझ हती. तेओए पण केटलांक प्राकृत ग्रन्थोना उत्तम संपादनो आप्यां छे. मुनिराजश्रीपुण्यविजयजी महाराज अने जंबूविजयजी महाराजना कार्यमां सहायक पण बन्या हता.
हवे आवा सघन अभ्यासी विद्वानो जलदी जोवा नथी मळतां !
प्रार्थना करवानुं मन थाय छे संस्कृत/प्राकृत भाषामां प्रशिष्ट विद्वानोनी क्यारेय खोट न पडो !
विजयप्रद्युम्नसूरि
Jain Education International
For Private & Personal Use Only
www.jainelibrary.org
