________________
73
'चंदप्पहचरियं'नी रूपककथा अत्थि अ लोयब्भंतरभूयंमि इमंमि मज्झ-देसंमि । सासय-सयल निवेसं नयरं भवचक्कवालं ति ॥१॥ तत्थ य महापयावो नराहिवो वसइ कम्मपरिणामो। परिपंथेइ य सयलं जयत्तयं सवसमुवणेउं ।।२।। तस्स उ अणाइभवसंतइ त्ति अभिहाण विस्सुया देवी । नाणावरणाई उण अट्ठ सुया तेसिं विक्खाया ॥३॥ बीया अकामनिज्जर नामा उ महानिवस्स से देवी। पिययमपसायठाणं चिठेइ अखंड-माहप्पा ॥४॥ वियरइ य निवोणुदिणं अट्ठ वि नियसुयाण सिक्खमिणं । जह अंगरुहा तुब्भे सुसमत्था सव्वकज्जेसु ।।५।। एयं च मज्झ रज्जं अच्चंतमहल्लमिय सया तुब्भे । तह कह वि पयट्टिज्जह जहा थिरीहोई आकालं ।।६।। एयस्स पुण थिरत्तं लोयथिरत्तेण हवइ ता लोगो। । निज्जंतो रज्जंतरमवियप्पं रक्खियव्वो त्ति ॥७॥ तुम्हाण य सव्वेसिं मज्झे दलनायगो महामोहो। हवउ जओ एसो च्चिय बलिओ सव्वेसिं मज्झमि ॥८॥
हि
एत्थंतरमि वेयणिय नामगोया भणंति नणु तुब्भे । अणुयत्तह मोहं(मोहनि वं) अणुयत्तिस्सामो वयं आउं ।।९।। मोहेवगए वि जओ जीवो सो आउयंमि जीवंते । खीणमि तंमि पुण धुवमम्हे होमो निराहारा ॥१०॥ ता भणइ कम्मपरिणामनरवई अहह जुत्तमुल्लवह । किं पुण घरे विवायं दूर दूरेण परिहरह ।।११।। नाणावरणाईणं तिण्ह पहू हवउ ता महामोहो । वेयणिय-नामगोयाण सामिओ होउ पुण आऊ ॥१२॥
Jain Education International
For Private & Personal Use Only
www.jainelibrary.org
