________________
15
पिक्खिसि नगे बलंतं न पिक्खसे पायहिटुओ मूढ ! । जं सिक्खवसि परे, नेव कहवि कइआ वि अप्पाणं ! ॥१२॥ का नरगणणा तेसिं विअक्खणा जे उ अन्नसिक्खाए । जे निअसिक्खादक्खा नरगणणा तेसि पुरिसाणं
॥१३॥ जइ परगुणगरणेण वि गुणवंतो होसि इत्तिएणावि। ता किं न करेसि तुमं परगुणगहणं पि रे पाव ! ?
॥१४॥ जिणवयणअंजणेणं मच्छरतिमिराइं किं न अवणेसि? । अज्ज वि जम्मि वि तम्मि वि मच्छरतिमिरंधलो भमिसि! ॥१५॥ जेहिं दोसेहिं अन्ने दूससि गुणगव्विओ तुमं मूढ !। ते विहु दोसट्ठाणे किं न चयसि पाव ! धिट्ठोसि
॥१६॥ उवसमसुहारसेणं सुसीयलो किं न चिट्ठसि सया वि । किं जीव ! कसायग्गी-पलित्तदेहो सुहं लहसि ?
॥१७॥ झाणे झीणकसाए आरद्धे किं न जीव ! सिज्जिज्जा। आकेवलनाणं ; ता झाणं कुणसु सन्नाणं
॥१८॥ जह जह कसायविगमो तह तह सज्झाणपगरिसं जाण । जह जह झाणविसोही तह तह कम्मक्खओ होही
॥१९॥ सज्झाणपसायाओ सारीरं माणसं सुहं विउलं । अणुभविअ कहं छड्डिसि जं सुहगिद्धो सि[रे !] जीव! ॥२०॥ कि केवलो न चिट्ठसि विहुणिअ चिरकालबंध(?बद्ध?)संबंधं । कम्मपरमाणुरेणुं सज्झाणपचंडपवणेण ?
• ॥२१॥ बुज्झसु रे जीव ! तुमं मा मुज्झसु जिणमयं पि नाऊणं । जम्हा पुणरवि एसा सामग्गी दुल्लहा जीव !
॥२२॥
Jain Education International
For Private & Personal Use Only
www.jainelibrary.org
