________________
चडिउ भराडउ गिरि-सिहरि, उज्जाणहं निज्झरणहं विसरि । पंचहिं मुट्ठिहिं कुमरेण, सहि लोचु करेविणु धीरेण । लइय दिक्ख संजम-कलिय, मय-मोह-माण-माया-रहियं । पंच-महव्वय-तुंग-भरु, उप्पाडिउ नेमि-जिणेण वरु । १०० दिक्ख-महिम किय इंदेहिं, सहि चउविह-देव-निकाएहिं । चूरवि कम्मु महंतु गिरि, संपत्तिय केवलनाण-सिरि । विहरइ सामिउ विगय-मलु, गामागर-मंडिउ धरणि-यलु । ' कंकेल्ली विरयंति सुर, च्चुलंता(?) अन्नु महा-चरम(?) । १०४ दुंदुहि वज्जइ मेह-सर, छत्तत्तय सीहासण पवर । जलहर-सम-गंभीरेण, पडिबोहिय पाणिण सर-कलेण । पुरओ भामंडलु विमलु, रवि-तेय-पणासण सुहि सयलु । चउतीस अइसय-संजुयउ, सह देव-सहस्सेहिं संकुलउ । १०८ पउमासण-मंडिय-चरणु, सहि जोवणभूमि नरोरगणु (?) । पुप्फ-पयरु निवडंति तर्हि, सहि(४१.२) विहरइ नेमि-जिणिदु जहि । जंतई कालिं कित्तेण, जं वित्तउ लाडिए सुणि मणेण । निसुणवि कुमरह गिरि-गमणु, जं रुनउं राइमईए कलुणु । ११२ मुच्छिय विहलंघलिय-तण, सहि सुन्निय वुन्निय विमण-मण । विरहानल-संतत्त-तण, पुणु मेल्लइ धाह कराल खण । ऊसासेहिं नीसासेहि, संभरिय कलेवर बहुविहेहिं । जूरइ चूरइ निय सइरु, तहिं अप्पई सहु लग्गउं वइरु । ११६ हार-दोर-कडिसुत्ताइं, सा तोडइ नेउर-वलयाई । ताय ताय परिताय मई, सो आणहि नेमि-कुमारु सई । हा हा माइए निग्घिणिय, किं अच्छहि सुम्मिय सीयलिय । हा हा भाउय धाह तुहुं, सो आणहि नेमि-कुमारु महु । १२०
मरगय-वन्नउ सामलउ, सो जायव-वंसह मंडणउ । ९७. उज्जाणण ९८. पंचह मुठिहिं १०३. मामागर..मंडिउ १०७. रवि-वेय १०८. चउतिस ११०. पुप्फययरु. ११३. सहे १२१. मरगय-वनिं...वसह
Jain Education International
For Private & Personal Use Only
www.jainelibrary.org
