________________
[8]
ण उणं पियामहस्सा जं सो संतो विसिय न दिट्ठोवि । पोत्तेण कालगज्जो, अलक्खिऊणो जहा णमिओ ।।६८|| एएण गुरुअभावे ठवेइ पट्टमि णण्णहा कहवि । जं पट्टधरो पट्टे ठवेइ अण्णो व कइया वि ॥६९।। पट्टधरो पुण गुरुणो परुक्खभावं विणा न होइ त्ति । सवणाणरिहं वयणं, सुअणाणं दंसिअं सम्मं ॥७०॥ गुरूसीसपसीसाणं, जुगवं चिअ गणहरत्तणमिणं जं । ता सिद्धोपट्टधरो, ठविओ अप्पाउओ वि पए ॥७१।। णणु गुरुणा ते ठविआ, संतंमि गुरुमि नियपए सीसा । तस्सेव ते हु पट्टे संतस्स य वा असंतस्स ||७२।। जइ नो ठविआ हुंता पितामहो ता नियंमि पट्टमि । जुग्गं कंचिअ सीसं, ठावंतो ण उण सीसपए ॥७३॥ मज्झत्थाण जणाणं उप्पज्जइ कहवि णो इमं वयणं । रागद्दोसवसेणं अभिगहबुद्धीण पुण किं तु ।।७४।। जं सीसपसीसाणं जुगवं चिय गणहरत्तणं भणिअं । णो तंमि पसिणमिणमो लहेइ अवकासमवि किंचि ॥७५।। जम्हा ठवेइ जो जं सो तप्पट्टमि नत्थि नियमोत्ति ।
जस्सुद्देसेणं जो ठविओ सो तस्स पट्टमि ॥७६।। एवं च
इगवंसाण निवाणं पिहु पिहु रज्जंमि ठावणा जह य । निययेणण्णेणहवा कीरइ तह होइ इहयं पि ॥७७|| तम्हा एवं सिद्धं जस्स गणो, आसि सगुरुणा दिण्णो । कह सो अण्णस्स गणो दिण्णं णा दिण्ण मिय जम्हा ॥७८॥ ता तस्स चेव पट्टे, जुग्गो जो होइ सो उ ठवणिज्जो ।
एवं पियामहो जइ सक्खं ता सो ठवेइ तयं ॥७९।। १. सागरदत्तायरिएण ।
Jain Education International
For Private & Personal Use Only
www.jainelibrary.org
