Page Text
________________
(VINIYOG
આધુનિકતાના પ્રવાહમાં તણાયા વગર આપણી' પરંપરાના ઉદ્યોગો તરફ ધીમી ગતિએ પાછા ફરવું જોઇએ |
પાંચમી વિશ્વ પર્યાવરણ દિન ઉજવણી ગયો. પર્યાવરણનો નાશ થતો અટકાવવા કરતાં કોલાહલ વધુ થશે. પયાવરણને બચાવવા સરકાર ખરેખર ગંભીર અને સંનિષ્ઠ હોય તે પેટ્રોલ ડીઝલથી ચાલતાં વાહન, એરકંડિશનર વગેરે પર એક્સાઇઝ અને કસ્ટમ ડ્યુટીમાં જે છૂટછાટ અપાઇ છે તેને બદલે તેમાં ભારે વધારો કરવો જોઇએ. કેમ કે હવામાં પ્રદૂષણકારી તત્વો છોડવામાં આ વાહનોનો ફાળો ઘણો મોટો છે. ગુજરાતમાં ૧૯૬૦માં પેટ્રોલ-ડીઝલથી ચાલતાં વાહનોની સંખ્યા ૧.૨૫ લાખ હતી, જે ૧૯૯૨માં ૩૨ લાખ પર પહોંચી છે. આ હદે વાહનોની સંખ્યા વધતી જ જશે તો શુદ્ધ હવા મેળવવાનું શહેરોમાં તો ઠીક ગામડાંઓમાં પણ મુશ્કેલ બની જશે. - ખનીજ તેલ- પાણી, ગીચ જંગલો વગેરેને માનવી પોતે ઉત્પન્ન કરી શકતો નથી. એટલે એની સમતુલા ખોરવાઇ જાય એ રીતે એને ઉપયોગ ન કરવો જોઇએ.
જંગી કારખાનાંઓ દ્વારા નદીમાં ઠલવાતાં ઝેરી રસાયણોથી જળચર સૃષ્ટિને અને માનવજીવનને માઠી અસર પહોંચી છે. વિનાશકારી વિકાસના સ્ટીમરોલરે જમીન- વાયુ અને પાણીને દૂષિત બનાવ્યું છે. શહેરો ઉકરડામાં ફેરવાઇ રહ્યાં છે. આ વસમી સમસ્યાનું કાયમી નિરાકરણ લાવવું હોય તે આધુનિકતાના પ્રવાહમાં તણાયા વગર આપણી પરંપરાના ઉદ્યોગો તરફ ધીમી પણ મક્કમ ગતિએ પાછા ફરવું જોઇએ.
વિશ્વને સ્વચ્છ- સુંદર અને સમૃદ્ધ બનાવવું હશે તો એર-કંડિશનર, ફ્રિજ, ટી.વી., વિડિયો, વોશિંગ મશીન, ગીઝર, મિસર, મોટરકાર વગેરે લકઝરી ચીજો માટેની ઘેલછાને બહેકાવવી ન જોઇએ.
કાગળનો બિનજરૂરી વપરાશ ટાળવો જોઇએ. પ્રાથમિક શાળાઓમાં નોટબકને બદલે સ્લેટ-પેનના ઉપયોગ વિશે વિચારવું જોઈએ. જેના પર વિશ્વમાં બધે જ પ્રતિબંધ છે તે જતુનાશક દવોની ફેકટરીઓ તાત્કાલિક બંધ કરવી જોઈએ. પ્લાસ્ટિક પણ પર્યાવરણનું દુશ્મન છે. જે સજીવસૃષ્ટિ માટે આફતરૂપ અને બોજારૂપ છે. આમ આપણા અસ્તિત્વને જોખમમાં મૂકે તેવાં સાધન વિશે પુનર્વિચાર કરી તેના થઈ રહેલા બહોળા ઉપયોગ સામે પ્રજાને જાગ્રત કરવી જોઇએ. હરીભરી સૃષ્ટિ ખતમ થઈ ન જાય તે માટે જંગલોનું કોઈ પણ ભોગે રક્ષણ કરવું જ રહ્યું અને સાથે સાથે લીમડો, દેશી બાવળ, વડ, પીપળો, આંબો, ખાખરોખેજડો, નાળિયેરી તેમ જ ઔષધીય વૃક્ષોને ચિક્કાર પ્રમાણમાં ઉછેરવાં જોઈએ. વિનાશનો વોકળો ધસમસતો પ્રલય ભણી જઈ રહ્યા છે ત્યારે અંધકારમય ભવિષ્ય તરફ ધકેલાતા વિશ્વમાં એક નાનકડી જુયોતિ પ્રગટાવવાનું કાર્ય સૌએ સાથે મળીને કરવું જોઇએ.
સેવંતી મ. સંઘવી !
શ્વમઠાલીન ૨૬૯૨
| SR No. | 520403 |
| Book Title | Sankalan 03 |
| Original Sutra Author | N/A |
| Author | Viniyog Parivar |
| Publisher | Viniyog Parivar |
| Publication Year | |
| Total Pages | 33 |
| Language | Gujarati |
| Classification | Magazine, India_Sankalan, & India |
| File Size | 5 MB |