________________
नेमिकुमरु जा पत्तु तहिं, पुणु जंपइ जाइसि एव कहिं । जो ससुरासुर-इंदेण, महु दिनउ संखु पसन्नेण । सो समरंगणि जिणवि मई, आऊरण-जुत्तउ होइ पई । लइ पहरणु थिइ संमुहउ, जुझंतहं नामिउ सो जयउ । तक्खणि पभणइ नेमि-जिणु, सिवदेविहि नंदणु साम- तणु । किं संग्रामि निदिएण, बहु-जीव-समूह-खयंकरेण । वामइ करि तुरु लग्गु महु, जइ नाँवहि लीलई जिणहि तुहं । अह व न नाँवहि मज्झु करु, तो जायवि रज्जु करहि पवरु । १२ तिं वयणि आरुट्ट हरि, गुरु-दप्पु लग्गु तसु वाम - करि । बे सूरा बे चारभड, (बे) निज्जिय-तिहुयण-सेस-बल । जासु जिणिदह अतुल बलु, तसु लग्गवि हरि सूहुअकलु (?) । जयजयकारु करंति पर, गयणंगणि आवहिं तेत्थु सुर । १६
बहुविह-फुल्ल-सुयंधीय, कुसुमंजलि तक्खणि मुक्की य । (३८/२) जय जय जायव-कुल-धवल, जय नेमि-जिणेसर अतुल-बल ।
जय जय सिद्धि-वहुहु कुमर (?), जय निम्मल-नाण-पहाण-धर । तिनि पयाहिण दिति सुर, निय-भुवणेहिं जंति तहिं अमर । २० एत्थंतरे सहे (?) कज्ज- गई, तुहं डाडिए (?) निसुणहि मुद्धमई । अद्धचक्कि मण-दुम्मणउ, जावच्छइ तेत्थु दयावणउ । चिंता-सायरे सो पडिउ, अम्ह लेसइ राणिर्वं निज्जिणिउ । जाणिय कज्ज सु दीहमइ, बलदेवि वुच्चइ चक्कवइ । २४ मं उव्वेवइ देहि मणु, बावीसमु एहु उप्पन्नु जिणु । जिणवर होति अणंत- बल, विनाण- कलागम-अइकुसल । मेइणि छत्तु धरंति सिरि, उम्मूलवि लीलई डंडु गिरि । संसारिउ सुहं नऽहिलसहिं, न-वि रज्जु भोगु विसया वि नहि । २८
६. दिन २२. तेथ
९. सामतणं १०. निहएण १६. तेथ २३, परिआ ... गणिना २६. विनाण
Jain Education International
For Private & Personal Use Only
www.jainelibrary.org
