________________
16
सक्खं चिअ एवं खलु ताए संतमि हुति रायाणो । जह रामकेसवमुहा पुत्ता वसुदेवपमुहंमि ॥४४|| वसुदेवो वि अ राया तहेव राया समुद्दविजओ वि । सव्वेवि वा दसारा तेसि केसिंचि पुत्तावि ।।४५।। एवं जादववंसे जुगवं बहवो वि पुत्तपितिपमुहा । पइ सत्थं रायाणो भणिआ उसभस्स वंसे अ ॥४६॥ दहिवाहण-करकंडूपमुहा जयविजयधम्मभाईआ । पितिपुत्ता समकालं रायाणो जायअभिसेआ ॥४७॥ किं बहु भणिएणं वा जइ सामंता वि हुंति रायाणो । ता ठविअ सपुत्ताणं निवत्तणे को णु संदेहो ॥४८॥ इणमेवं विअ जुज्जइ अण्णह इह चक्कवट्टिमाईणं । संते जणगप्पमुहे न चक्किपयमाइयं होइ ।।४९।। एएणमिमं सिद्धं बहुपुत्तो जो हवेइ महराया । सो छंदेण ठवेई पिहु पिहु रज्जमि नियपुत्ते ॥५० णियणियदेसविसेसं पत्ता ते तत्थ तत्थ रायाणो । रज्जं कुणंति सब्वे पिउणो आणाइ वटुंता ॥५१॥ जणगो वि तेसिमेवं सेवंताणं करेइ सुपसायं । समबुद्धी सव्वेसुवि जइणो गहियं वयं हुज्जा ॥५२॥ तेसिं पुण जइ एगो महब्बलो होइ होउ ता नूणं । सो अग्गजोणुजो वा णियमो पुण इत्थ ण हु कोवि ॥५३।। ठविअत्तणाविसेसा वंसे सव्वेसि तेसि परिवाडी । अब्बुच्छित्तिणिमित्तं हवेइ एगोवि जा वंसे ॥५४॥ समगं ठविआणं पुण गहित्तुकामो हवेइ जइ दिक्खं । अहवा सो अप्पाऊ रज्जंमि ठवेइ तो पुत्तं ॥५५॥
Jain Education International
For Private & Personal Use Only
www.jainelibrary.org
