________________
||
णेवं कत्थ वि सत्थे दिळं इट्ट व गणहरत्तस्स । अप्पाउअत्तणं तुह पकप्पिअं दूसगत्तेणं ॥३२॥ जं पि अ कत्थवि गुरुणा अप्पडिरूवाइ दूसणं भणियं । तं पि न जायमजायं करेड् गणहारिभावं से ॥३३।। अण्णह ठवणाणंतर मंगावयवमि दुट्ठजइ किंचि । दूसणपंतिनिविलृ दूसिज्ज गणित्तणं तंतो ॥३४।। तम्हा अप्पडिरूवो न य ठविअव्वो ति होइ संसिद्धं । ठविओ पुण गणहारी अप्पडिरूवो वि संभवइ ॥३५।। जह कण्णा परिणिज्जइ रूवाइसयड्डिसंजुया सम्म । केण वि मिसेण पुण सा परिणीया अपडिरूवावि ॥३६॥ परिणीय अपरिणीआ जह सा कण्णा ण होइ कइया वि । अप्पडिरूवो वि तहा ठविओ णो अठविओ सूरी ॥३७॥ अणाणा रूवाई णियया णियया हवंति ता दोसा । अप्पाउअत्तणं पुण दोसु वि एएसु णो भणियं ॥३८॥ आणेइ कहवि जइ ता अप्पडिरूवाइयंमि नन्नत्थ । अणियत्तणेण तं पि हु समाहिअं पुव्वमिह सम्मं ॥३९।। वत्थुठिईए पुण तं, भाविज्जंतं न दूसणं कह वि । ता तत्थ समाहाणं सुहाइकडुअत्तणपमोसो ॥४०॥ वंसावुच्छेअट्ठा ठविज्जमाणा वि पुत्तु रज्जमि । दीहाउच्चिअ हुज्जइ इय नियमो जं न लोएवि ॥४१।। अह कहमुसभजिणो, जाणतो विअ समाउए पुत्ते । सयमवि ठवेइ रज्जे पिहु पिहु वंसस्स रक्खट्ठा ॥४२।। संतमि सामिपाए ते रायाणो अ तेसि पुत्तावि । भरहनिवेणं ठविआ, छंदेण निवा पपुत्तावि ॥४३॥
Jain Education International
For Private & Personal Use Only
www.jainelibrary.org
