________________
Jain Education International
तीर्थमालास्तवः ॥
श्री जिनाय नमः ॥
अरिहंतं भगवंतं सव्वन्नं सव्वदंसि तित्थयरं । सिद्धं बुद्धं निच्चं परमपयत्थं जिणं थुणिमो ॥१॥ जय जय तिहुअणमंगल ! भट्टारय ! सामिसाल ! भयवंतो । देवाहिदेव ! जगगुरु ! परमेसर ! परमकारुणिअ ! ||२|| जय जय जगिक्कबंधव ! भवजलहीदीव ! तिहुअणपईव ! | जय जय जगचिंतामणि ! तिहुअणचूडामणि ! जिणिंद ! ||३|| जय जय सिवपहसंदण ! असरणजणसरण ! दीणउद्धरण ! । जय जय भवभयभंजण ! जणरंजण ! च्छिन्नजरमरण ! ॥४॥ जय कम्मजलहितारण- तरंड ! गुणरयणधारणकरंड ! | जय विसमबाणवारण - वरंड ! मुणिसुमणवणसंड ! ॥५॥ धन्नोहं पुण्णोहं सहलो मह एस माणुसो जम्मो । जं जिण ! तुह पयपंकय- पसायपासायमभिरूढो ||६|| धन्नो एसो दिवसो जाम- मुहुत्तो वि एस सुपवित्तो । जम्मि तुमं तिजगगुरू भवमरुपहसुरतरू पत्तो ||७|| अज्जं मह चिंतामणि- सुरतरु-सुरगावि- भद्दकुंभाई । सयलं सुलहं जं पहु ! अलद्धपुव्वो तुमं लद्धो ॥८॥ नरयभव- तिरिअ -नर- सुर-वरसमुदयनमिअचलणकमलदुगं । तिहुअणजणसुरतरुसम महनिसमवि नमह तिजगपहुं ॥ ९ ॥ अट्ठदसदोसरहिए सहिए चउतीस अइसयवरेहिं । हयको कयसोहे अट्ठमहापाडिहेरेहिं ॥ १० ॥ जिअरागे जिअदोसे जिअमोहे अट्टकम्मनिम्महणे सिवपुर हसत्थो गयबाहे थोमि जिणनाहे ॥ ११॥ भरहम्मि तीअकाले पढमं वंदामि केवलि जिणिदं । निव्वाणिजिणं सायर महाजसं चेव विमलजिणं ||१२|| सव्वाणुभु(भू)इ सिरिहर, दत्तं दामोअरं सुतेअं च । सामिजिणं मुणिसुव्वय सुमहं सिवगइ तहत्थाहं ॥ १३ ॥
*
-
अनुसन्धान ३६
For Private & Personal Use Only
www.jainelibrary.org
