________________
अनुसन्धान ३६
अच्चित्तेऽचित्तस्स वि साहारणे चेव १ माणियं लहुयं । पच्छित्तमिणं भणियं जिणेहिं जियरागदोसेहिं ॥४८॥ तेत्तीसुत्तरेणं सएण दोसाणं लहुमासियाहिगारो ॥छ। इत्तिरिय ठावणाए १ ससिणिद्ध १ ससरक्खमक्खिय १ करेसु । बीएहिं उम्मीसे १ सुहुमाए पाहुडीयाए १ ॥४९।। मौसपरित्तपरंपर-निक्खिविउं १ मीस १ पिहिय १ साहरिय (ए) १॥ अपरिणयपछडिएसुं १ तित्थेसरसमयभणिएसु ॥५०॥ मीसाणंतपरंपर - निक्खिविउं १ मीस १ पिहिय १ साहरिय (ए) १॥ अपरिणय१ छड्डिएसुं १ साहारणे बीयकायुवरि ॥५१॥ पत्तेगेगिदियजीव-घट्टणादायपायपच्छित्तं । पत्तेए लहुपणगं गुरुपणगमणंतगे उ तहि ॥५२।। वय तव खवणायंबिल-एगासण पुरिमनिव्विगइयाणि । लहु लहुतराणि कमसो तहा तहा मूलपमुहाणि ॥५३॥ इइ सयलदोसविसयं पच्छित्तं जाणिऊण गीयत्था । गुरुलहुविभावणाए रक्खंति तणुं जिणाणाए ॥५४॥ . पंचदसगाइकमेणं जइ वि पच्छित्तमागमे नत्थि । तहवि हु तिगाइ गणणा दस-पणदसगाइ विनेयं ॥५५॥ जोग्गं जई पमोत्तुं रहस्समेयं न देयमन्नस्स । जेणाजोग्गविदिने दोसोच्चिय होइ भणियं च ॥५६|| "आमे घडे निहित्तं जहा जलं तं घडं विणासेइ । इइ सिद्धंतरहस्सं अप्पाहारं विणासेइ" ॥५७॥ तम्हा अपत्तावत्ता पत्ता परिणामगाइ परिणामि । पासस्थाइकुतित्थिय-गिहीण न सुयं पि निज्जेयं ॥५८॥ परिणामगे विणीए गुरुभत्ते उज्जुए असढभावे । आणारुइम्मि भवभीरुगम्मि देज्जा पयत्तेणं ॥५९।। सुयसिंधुसुत्तिसूया धीवरपरिकम्मिया गुणविसाला । सुपया सुहक्खरतिही सच्छाया वित्तसारपिया ॥६॥
Jain Education International
For Private & Personal Use Only
www.jainelibrary.org
