________________
8
संविग्गमच्छरेणं मिच्छद्दिट्ठी मुणी वि नायव्वो । मिच्छत्तम्मि न चरणं तत्तो य विडंबना दिखा ॥६५॥ वेसं पमाणयंता केई मन्नंति साहुणो सव्वे । केई सव्वनिसेहं तत्थ य दुण्हं पि मूढमई ||६६ || जह नाइल - सुमईहिं सुहगुरु-कुगुरुण मन्नणं विहियं । ना (ता?) अज्ज वि भेयदुगं गिण्हसु सुद्धं परिक्खित्ता ॥६७॥ साहूहिं विणा धम्मो वुच्छिन्नो आसि दुसमसुसमाए । सङ्गृहि समत्थेहि वि न रक्खिओ अज्ज का वत्ता ? ||६८|| समणसमणीहि सावय- सुसावियाहिं च पवयणं अस्थि । मन्नसु चउसमवायं जइ इच्छसि सुद्धसम्मत्तं ॥ ६९ ॥ संघे तित्थयरम्मी सूरीसुं सूरिगुणमहग्घेसु । अप्पच्चओ न जेसिं तेसिं चिय दंसणं सुद्धं ॥ ७० ॥ जे उण इय विवरीया पल्लवगाही सुबोहसंतुट्ठा । सुबहु पि उज्जमंता ते दंसणबाहिरा नेया ॥ ७१ ॥ जहवि हु पमायबहुला मुणिणो दीसंति तह वि नो हेया ! जेसि सामायारी सुविसुद्धा ते हु नमणिज्जा ॥७२॥ जड़ एवं पि हु भणिए मन्त्रिस्सह नेय साहुणो तुब्भे । ता उभओ भट्ठाणं न सुग्गई नेय परलोगो ॥७३॥ जम्हा गुरूण सिक्ख सिक्खंत च्चिय हवंति हु सुसीसा । तेसिं पुण पडिणीया जम्मणमरणाणि पावंति ॥ ७४ ॥ हंतूण स ( से?) वभाणं सीसे होऊण ताव सिक्खाहि । सीसस्स हुंति सीसा न हुंति सीसा असीसस्स ॥ ७५ ॥ जड़ गुरुआणाभट्टो सुचिरं पि तवं तवेइ जो तिव्वं । सो कूलवालयं पिव पणदूधम्मो लहइ कुगई ॥ ७६ ॥ अणमन्नं तो नियगुरुवयणं जाणंतओ वि सुत्तत्थं । इक्कारसंगनिउणो वि भवे जमालिव्व लहइ दुहं ॥७७॥ संपइ सुगुरूहि विणा छउमत्थाणं न कोई आहारो । साहूण जओ विरहे सड्ढा वि हु मिच्छगा जाया ॥७८॥
Jain Education International
अनुसन्धान- ३८
For Private & Personal Use Only
www.jainelibrary.org
