________________
जून २००९
भणिऊण तिन्नि वारं जहागयं पडिगओ य सो देवो । आजीविसावगो तं सोऊणं चितए हियए ॥१९७॥ 'किं मम धम्मायरियो गोसालओ आगमिस्सर कल्लं । महमाहणपभईहिं विसेसणेहिं समाउत्तो ? ' ॥१९८॥ अह बीयदिणे मोहंऽधयारविद्धंसणो महावीरो । सहसंबवणे सूरो व्व एइ देवेहिं थुव्वंतो ॥ १९९॥ विहियम्मि समोसरणे देवेहिं समागओ नयरलोओ । आजीविसावगो विहु वियाणिऊण जिणागमणं ॥ २०० ॥ पहाओ कयबलिकम्भो [कय] कोउयमंगलो सुनेवत्थो । सपरीवारो वंदइ वीरं तिपयाहिणापुव्वं ॥ २०१ ॥ धम्मक हावसाणे जिणेण सो भणिओ, समायाओ । कल्लमवरण्हसमए देवो तुझंऽतिए एगो ॥ २०२॥ तेणाऽऽगासगएणं वृत्तं ' महमाहणो इहं एही । [तं पाडिहारेहिं सिज्जाईहिं निमंतिज्जा ] ' ॥२०३॥ इच्चाई अस्थि सद्दाल- पुत्त ! आजीवुवासगा तेणं तं नो खलु गोसालं पडुच्च भणिओ इमं वयणं ॥२०४॥ सोऊण इमं तो सो चिंतइ महमाहणो इमो चेव । तं पाडिहारिएहिं इमं निमंतेमि भयवंतं ॥ २०५ ॥ अब्भुट्ठिऊण तत्तो, वंदिय वीरं भणेइ भयवं मे । पंचसया कुंभारा-र (व) णाण तुब्भे तर्हि एह || २०६ || तप्पडिबोहणहेउ याइ जिणवरो महावीरो । पडिवज्जिऊण भयवं वयणं सद्दालपुत्तस्स ॥२०७॥ अह अन्नया कयाई वायाहय- भंडगं स कोलालं । अंतोसालाहिंतो कड्ढेउं आयवे धरइ ॥ २०८॥ तो तं पभणइ वीरो कोलालं भंडगं कुओ एयं । सो भइ - भट्टियाए उदगं निठुब्भए पढमं ॥ २०९ ॥ छारेण करिसेण य मीसिज्जइ एगतो तओ पच्छा । आरोविऊण चक्के घडयाई किज्जए बहुयं ॥ २१० ||
Jain Education International
For Private & Personal Use Only
१९
www.jainelibrary.org
