________________
व्रत कथा कोष
[ ५०७
तब नप पदम तासु सो कही, ऐसे बचन न बोलो सही। हम सबके दासन के दास, तुम अपने घर करौ निवास ।।१२५।। भीतर ले किन्ही ज्योनार, सुन्दर बसन प्राभूषरण सार । देकर पान बिदा तिन कियो, राजा पदम महा जस लियो ।।१२६।।
"दोहा" यह अवसर मुनि संघ सब । हस्तनागपुर जाय । गुरू अकम्पनाचार्य मुनि । बाहर उतरे प्राय ॥१२७।। नगर लोग बन्दन चले । आनन्द हर्ष समेत ।। करत महोत्सव भाव सो । दान भली विधि देत ॥१२८।।
"अडिल्ल" यह सुनि करि विप्र मनहि चिन्ता धरे । राजा वन्दन जाय तो हम अब कह रहे । तब बलि आदिक जाय, राय सो यों कही । हमे दक्षिना देहु वचन जो हैं सही ॥१२६।। पदम कहो कर जोर चाहो सो लीजिये । सात दिवस को राज कही बलि दीजिये ।। दियो राज तब राय बलिन दिन सात को। आप अन्तःपुर जाय बैठो रनिवास को ।।१३०।।
- "सोरठा" मन्त्रिन पायो राज । सब कुमन्त्र ठानन लयो । कीजै सोई इलाज । जासो ये सब मारिये ।।१३१।।
___"चौपाई" तब बली मन्त्र उपायो प्राय । जो सन्मुख हम मरिहि जाय । हमको भलो न भाषे कोय, महा प्रकीति जगत मे होय ॥१३२।। तात कछक बहानो करो, जाते इन सब ही संघरो। और हमें नहिं लागै दोष, पीछे राजा करे न रोष ।।१३३।।
