________________
उपदेश
१९६।।
पीवरथोरथणीओ रयणुज्जलघडिय सिरुवरिमणीओ । तरुणीओ बहुगुणीओ सिंगारर सिक्सरिणीओ ॥८२॥ | पहिलाभंती मुणि महरासणपाणमोयगाईहि । दिट्ठाओ सुट्ठविहिणा दाणं दितीओ भत्तीए ।। ८३ ।। तहवि न गिव्हंति बहुं मुहुं मुहुं न य मुहं पलोयंति । जइणो इरियासमिया नीरागा एसणासत्ता ||२४|| सवियारासुवि अवियारमाणसा साहुणो इमे धन्ना भणयं न रागलेसेा जेसि नणु उल्लसइ थीसु ॥ ८५ ॥ अहयं पुणो अधन्नो नडीविमोहेण विनडिओ निविडं न करेमि पुरओ पुरपणी दत्थिलोस्स ॥ ८६ ॥ अजसो भए न गणिओ हणिओ य कुलकमो कुसंगेण । धिद्धी में नणु मुद्धं बुद्धि जस्सेरिसी जाया ||७|| हंसुज्जले कुले मे लग्गो मसिकुचओ महामलिणो । एएण दुरायारायरणेण निंदणिज्जेण ||८| को मम्मुहं पलोयइ लोओ सोओदएण किण्हयरं । जो धन्नो कयपुन्नो तहा अवन्तोदया भीरू ||८९ || सोऽहं हंसोऽवि धुवं काओ जाओ कुकम्मदोसेण । जेण नडी असुइकुडी विठ्ठन्त्र समीहिया भोतुं ॥ ९० ॥ अहमहमो पुच्दमहो मतोऽवि नियो नडीइ जो सत्तो । सुबहूसु बहूसुवि सुंदरीसु रूवेण संतीसु ॥ ९१ ॥ जस्साभंगुरभोगा संजोगा सयणमित्तवग्गस्स । सोऽवि अहो ! लुद्धमणो गईए नीयनारी ॥९२॥ नारीहिं न के नडिया चडिया जे गोरवंमि इत्थ जए । तेऽवि हु वसत्ति पडिया मोहमहापासगलबद्धा ||१३|| वणजुव्वणहरणेणं अरिभूआ जा समग्गलोयस्स । सा नारित्ति कहूं नणु भणिया सत्थे विहिं ॥ ९४ ॥ एए पुण कयपुन्ना समग्गसत्तेसु धरियकारुण्णा । समतणमणीहिरण्णा समणा उत्तमकुलुप्पन्ना ॥९५॥
सप्ततिक
॥१९६
