________________
।।१९३॥
नणं सुवारिधाराभरेण हिययत्थलं खु सिंचती । विलवइ लवइ गिराए कहं कलंक कुले देसि ? ||४० ॥ परणेसु कन्नयाणं सयं सयं अन्नमिम्भकुलभूयं । तं नणु कवड्डियाए कजे कोडि परिचयसि ||४१ || जाहिं सह हसिया सियलेसोवि हु दोसपोसमाचर । असुइत्थीणवि तासि विट्टी संबंधमहिलससि ॥४२॥ ज जाओ अंगजाओ जाओ सजो अवञ्जकजम्मि । ता जणणीणमवण्णो पउणीभूओ जणम्मि ध्रुवं ||४३|| कहमुपहम्मि वचसि ? रक्सी नीयंगणंग संगम्मि ? तुममेगो मह पुत्तो कस्तो मह माणसे सुक्खं ||४४ ।। नियनंदणघणसमए अंबरडंबरविरायमाणीओ | गजति उच्चद्वाणं अंबा कार्याविणीउव्व ॥ ४५ ॥ नियपुत्तदुरायारालोयणदुस्सहनिदाह गृहविया । झूरंति दुहभरेणं जणणीउ सिहंडिणीउव्व ॥ ४६|| अम्ह कुलमेरुसेलो सच्छाओ सीयलो य संजाओ। एगेण नंदणेणं तुमए नंदणवणेणुव्व ॥ ४७ ॥ जो बहुएहि मणोरहसएहि उबजाइएहिं विविहेहिं । पत्तोऽसि तुमं पुत्तय सो अम्ह परम्मूहो होसि ॥४८|| मं मन्नसु अवमनसु मा मायरमायरेण विलवंति । मह उवरि धरसु करुणं सरणं मह कहसु को अन्नो ? ।। ४९ ।। इच्चाइमाइउवएसामयसित्तोऽवि तस्स कामग्गी । नहु उवसममावन्नो अहिययरं जलिउमाढत्तो ||५० भो माय ताय निसुणह उवएस देह मोरउल्ला मा । जाणामि सव्वमेयं अहयं तुम्हाण उल्लवियं ॥ ५१ ॥ इइ जंपिरम्मि तम्मि य इलासुए नियसुए निरासकं । मोणमवलंबिउं ते ठिया जहा चित्तसंलिहिया ॥५२॥ नो मायरंपि पियरं न भायरं दुहियरंपि हु गणंति । कामाउरा मणुसा इहपरलोएसु भयभीआ ॥५३॥
।।१९३
