________________
उपदेश-
सप्तनिक
११६॥
तलो जिमनसोदारया लोराण मगचमकारं । जणयंती नचं सच्चवेइ तिहि मयणमंजरिया ।।१३७।। तीएवि तहा विहिओ लोओ चित्तास्मि विलसिरपमोओ । जह पप्पुरओ अमरीउ किकरीओव्व स गणेइ ।।१३८॥ नचित्ता जिणपुरओ पिउपासं मयणमंजरी पत्ता । तेणवि य सिणेहिललोयणेहि दिवा य पृट्टा य ॥१३॥ जणयाणंदणि नंदिणि भणसु तुम अप्पणो चरियमखिलं । तो तीइ नियसरूवं सत्रमवि य साहियं पिउणों ।।१४०।। मग्गेहे तह सरिसा कन्ना का अस्थि तुज्झ नामेण । समए समए नवनववेसधरा नणु नडिब्ब थि ।।१४१।। सा का कहसु ममग्गे जह भवई सच्च मयणमंजरिया । तीए वुत्तं नाह मुणामि तविलसियसरूवं ॥१४॥ धुत्ता सत्ताणेगे धरंति रूवाई विविहरूवाई । कूडकवडाण तेसि को पारं जाइ धीमपि ।।१४३।। खंतव्वं ताय तए महिकदुश्विलसियं महाराय । जमणापुच्छिय पियरी अप्पा परणाइओ य मए ।।१४४॥ रन्ना भणियं नंदिणि सुठ्ठकयं समय मप्पणो मुणिउं । से। संपइ तुज्य पई कत्थ गओ दिब्बरूवमओ ।।१४५।। तत्तो तीए दिट्रो साहावियरूवधारओ भत्ता । तप्पाससमासोणा हिट्ठा तह रयणमेहलिया ॥१४६।। जाणाविओ य जणओ ताय इमं पस्स पुत्तिभत्तारं । तो तेणाहूओ से समागओ सविहमेयस्स ॥१४७।। तेणुत्तमहो नणु रयणचंद कतो भवं तमाह इमो। परितो परिब्भमंतो सुवेलसेलस्स कज्जवसा ॥१४८॥ जिणभवणमागओऽहं इइ वृत्त सुठ्ठ हिट्टतुटूण । सिरिहेमचंदराएणाणीओ नियपुरं कुमरो ॥१४९॥ तो सकलत्तो रन्ना पासाए ठाविओ रयणचंदो । सो ताहि समं भाए भुंजइ रंजई मणं तासि ।।१५०॥
।।११६॥
