________________
१६८
सुदर्शनचरितम् संसारसागरे जीवान् पततः पापकर्मणा । यः समुद्धृत्य संधत्ते पदे स्वर्गापवर्गजे ।। ८४ ।। स धर्मो जिननाथोक्तो दशलाक्षणिको मतः । रत्नत्रयात्मकश्चापि दयालक्षणसंज्ञकः ।। ८५ ॥ संसारे सरतां नित्यं जन्तूनां कर्मशत्रुभिः । दुर्लभं तं समासाद्य यन्त कुर्वन्तु धीधनाः ॥ ८६ ।। सोऽपि धर्मो द्विधा प्रोक्तो मुनिश्रावकगोचरः । आधो दशविधो धर्मो दानपूजावतैः परः ।। ८७ ।। धर्मेण विपुला लक्ष्मीधर्मेण विमलं यशः । धर्मेण स्वर्गसत्सौख्यं धर्मेण परमं पदम् ।। ८८ ।। इत्यादि धर्मसद्धावं मत्वा भव्यैः सुखाथिभिः । श्रीमज्जिनेन्द्रसद्धर्मो नित्यं संसेव्यते मुदा ॥ ८९ ।।
इति धर्मानप्रेमा। . एवं सुदर्शनो श्रीमान् महाभव्यशिरोमणिः ।
अनुप्रेक्षास्तरां ध्यात्वा दीक्षा लातुं समुद्यतः ।। ९० ।। इत्युचेंजिनधर्मकर्मचतुरः श्रेष्ठी निजे मानसे,
संध्यात्वा शुभभावनां गुणनिधिर्वैराग्यरत्नाकरः । क्षात्वा सर्वजनान् क्षमापरिकरो भूत्वा स्वयं भक्तितो,
नत्वा तं विमलादिवानगुरु दोक्षार्थमुद्युक्तवान् ।। ९१ ।।
इति सुदर्शवचरिते पञ्चनमस्कारमाहात्म्यप्रदर्शके मुमुक्ष. श्रीविद्यानन्दिविरचिते द्वादशानुप्रेशाव्यावर्णनो
नाम नवमोऽधिकारः ।
