________________
भणेइ भयवं! ममं व तुम्हेहि सुविणमझमि । किं नरयाण सरूवं, सयलंपि पलोइयं एयं १ ॥ ४२ ॥ सूरीवि भणइ । भहे !, सुविणेण विणावि जिणवरागमओ । जाणिजइ अम्हहिं, लोयसरूवं असेसपि ॥४३॥ तो निवजाया पुच्छइ, भयवं ! विहिएण केण कम्मेणं ? । जीवा पावन्ति इमाणि, नरयदुक्खाणि तिक्खाणि ॥४४॥ अण्णियपुत्तो साहइ, कुणिमाहारे सया पसत्ताणं । महरम्भमहपरिग्गह-पसत्तचित्ताण सत्ताणं ॥ ४५ ॥ पश्चिंदियघाईणं, गुरुप४ डिणीयाण रुद्दझाणीणं । नरए हवेइ पडणं, उलालियदण्डनाएण ॥ ४६ ।। जुयलं । इय कहिऊणं अण्णिय-पुत्ता
यरिया गया नियं ठाणं । जणणीदेवोवि तओ, तीसे दंसेइ सग्गाइं ॥ ४७ ॥ तत्थ य तियसा मणिमयविमाणमालानिवाससुहसुहिया। अमरतरुनियरपूरियसमीहियत्था अइपसत्था ॥४८॥ कुण्डलतिरीडहारप्पमुहाहरणेहि है।
भूसियसरीरा। नियकंतकन्तिपूरेहि, पूरियासेसदिसिविदिसा ॥ ४९ ॥ अरयंबरवत्थधरा, अणमिसनलिणोवमाणनय-है। रणजुया । अमिलाणपुप्फमाला, घोलिरगलकन्दला सययं ॥ ५० ॥ देवंगणागणेहि, सह विसयसुहं सया समाणन्ता।
बहुविहजलाइकीलापसत्तचित्ता दुहश्चत्ता ॥५१॥ गामसरताणमुच्छणमुच्छियवरगीयसवणनिहुअमणा । ताललय-14 *माणरम्मं, नटारम्भं पलोयन्ता ॥ ५२ ॥ सयलजगलोललोलाकोडिहिं पिहु न वण्णिउं सकं । ईसरियमणुहवंता, चिट्ठन्ति पगिट्टतुट्ठमणा ॥५३॥ षडिः कुलकम् ॥ इय पिक्खिउण सुमिणे देवसरूवं सकोउगा देवी । पडिवुझिऊण पहणो, जहट्ठिअं कहइ बुत्तंतं ॥५४ ॥ गोसे तोसेण निवो, दसणिणो आहवित्तु पुच्छेइ। किं सग्गस्स सरूवं ?
