________________
मिय जहोधियट्ठाणे उयविट्ठो, भगवयावि पारद्धा देसणा-अणोरपारे संसारे, भमंतीवि जणो सया । पावाओ दुसरिगोलिं, लहंते धम्मओ सुहं ॥१॥ इन्चाइधम्मदेसणावसाणे जोडियकरसंपुडा आरामसोहा गुरुं विन्नवेइ-भयवं! जं जहा तुम्हेहिं आइहं तं तहेव, परं मए पुन्वभवे किं कयं ? तं संपयं पसीय आइसह । तओ सूरीवि सजलजलहरगंभीरसरेण वागरिउमाढत्तो-इहेब जंबूहीवे दीवे भारहे वासे चंपाए नयरीए सयललोयप्पसिद्धो धणउब्व समिद्धो कुलधरो नामा सिट्ठी हुत्था, तस्स कुलाणंदा नाम भारिया, तीए समं विसयसुहमणुहवमाणस्स कमेण रूवलडहलायषणपुषणाओ सप्त धूयाओ जायाओ । तासिं कमेण नामाणि-कमलसिरी, कमलवई, कमला, लच्छी, सिरी, जसएवी, पियकारिणी, य, ताओ धणवंतकुलेसु परिणीयाओ भोगे भुञ्जमाणीओ सुहं सुहेण विहरति । अह दिवसा अट्टमिया वि कन्नया जाया, ताम्म सभए मायापियरों अईव दुक्खिया, तीसे नामंपि न कुर्णति,सावि अणायरेण बहुंती जुब्वणमणुपत्ता, निब्भग्गत्ति लोए तीए नामं पयर्ड जायं, तं पिक्खंताणं अम्मापिऊणं अईव उव्वेओ होइ, अन्नदिणे परियणेण सिट्ठी भणिओ-तुममेयं (बुड़) कुमारिमपरिणावितो लोए गरुयमववायं पामिहिसि, एवं भणिओवि मणे खेयमुब्वहंतो दुहेण सिट्ठी चिठ्ठइ । एगया सचिंतस्स सिट्ठिणो हटूमि उवविठ्ठस्स मलमइलगत्तो दीहमग्गुलंघणपरिस्संतो एगो पहिओ दिट्ठीगोयरं गओ, तओ सिटिणा पुट्ठो-को तं समागो ?, कोसि तुमं! का य ते जाई ?, किनामासि ?, किमत्थमत्थागओऽसि ?, तओ तेण संलत्तं-अहं सागरतीरमंडणाओ चउडदेसाओ
