________________
COMKONKk
भूबइणो, हरियं हिययं तया तीए ॥ २ ॥ तओ मंचाइमंचकलियं निवेसियकालागुरुकुंदुरुकतुरुक्कधूवमघमतघडियं उम्भामियधयवडालोयं उल्लासियवंदणमालं तियचउकचञ्चरचउम्भुहपयट्टियअउचनाडयं बहुठागटवियपुण्णकलसं पण्णिजंतो आरामसोहाइस्रयसहयरारामचुजविलोयणुप्फुल्लविलोयणनलिणेहिं नरनारीगणेहिं, पणइणीकलिओ पाइलिपुरं पविटो महाविभूईए महाराओ । सावि पुढो पासाए ठाविया, आरामो वि तीए पासायमावरिय समंतओ ठिओ दिवाणुभावेण । राया वि परिहरियासेसवावारो तीइ समं भोए भुंजन्तो दोगुंदुगसुरेवि अवमन्नतो निमेसमित्तं व कालमवक्कमइ । इओं बारामसोहासकमायाए धूया जाया, कमेण जुवणमणुपत्ता, तं तहावत्थं दडूण दुवा तजणणी एवं चिंतेइ-जइ केणावि पओएण आरामसोहा मरइ, ता राया तीइ। गुणक्खित्तचित्तो मम पुत्तिमेयं परिणेइ, तओ य मम मणोरहभूरुहो सहलो होइत्ति परिभाविऊण तीए नियदइओ वाहरिओ-नाह ! वच्छाए परिणीयाए बहुकालो बइकतो, अओ तीसे कए किंपि भक्खभुजाइयं पेसिउं जुज्जर, एसावि पिउहरपाडुडेण मणो रंजिजइ, तो भट्टेण भणियं-पिए ! तीए न किंपि ऊणयं, परमहमेयं वियाणेमिजं कप्पदुमस्स बोरकरीराइ फलपेसणं वइरागरस्स कायखंडमंडणं मेरुस्स सिलायलेहिं दिढयरणं पज्जोयणस्स खजोयपोयउवमाणकरणमणुचियं होइ, तहा तीए अम्हाण पाहुडपेसणं, परमेस विसेसो-जं रायलोगो मुहे हत्यं । दाऊण उवहसिस्सइ । तओ तीए पाबाए संलत्तं-नूणं सा नो ऊणा परमम्हाणं निवुई होह, तो तीए
