________________
Shri Mahavir Jain Aradhana Kendra
१५६
www.kobatirth.org
किया-कलापे
Acharya Shri Kailassagarsuri Gyanmandir
जानन्पश्यन्समस्तं सममनुपरतं सम्प्रहृष्यन्वितन्वन्
धुन्वन्ध्वान्तं नितांतं निचितमनुसमं प्रीणयन्नीशभावम् । कुर्वन्सर्वप्रजानामपरमभिभवन् ज्योतिरात्मानमात्मा
आत्मन्येवात्मनासौ क्षणमुपजनयन्सत्स्वयम्भूः प्रवृत्तः ॥ ४ ॥
I
टीका -- जानन्नित्यादि । जानन्पश्यन् । किं तत् ? समस्तं - लोकालोकं । कथं? तमं युगपत् । किं कदाचिन्नेत्याह अनुपरतं- निरंतरं । संप्रतृप्यन्सम्यक्तृप्ति व्रजन् वितन्वन्- अनंतं कालं व्याप्नुवन् । धुन्वन् निराकुर्वन् । किं तत् ? ध्वान्तं मोहरूपं तमः । नितांतं निरवशेषं अत्यर्थेन वा । निचितमुपार्जितं निबिडं वा । अनुसभं सभामनु । प्रीणयन्नमृतोपमैर्वचो - भिराप्यायन् । ईशभावं -- प्रभुत्वं कुर्वन् । सर्वप्रजानां मध्ये अपरं ज्योतिरीश्वरादिज्ञानमादित्यादिप्रकाशं च केवलज्ञानेन देहदीप्त्या वाभिभवन् - तिरस्कुर्वन् । असौ ज्ञाता द्रष्टेत्यादि प्राक् प्रसाधितस्वभाव आत्मा, आत्मानं स्वस्वरूपं । आत्मन्येव - स्वस्वरूपे एव न पररूपे । आत्मनास्वस्वरूपेण । क्षणं-प्रतिक्षणं । उपजनयन् निमग्नं कुर्वन । स्वयं परोपदेशनिरपेक्षतया मोक्षमार्गमवबुध्य अनुष्ठाय च अनन्तज्ञानादिरूपेण भवतीति स्वयंभूः, प्रवृतः - संपन्नः ॥ ४ ॥
छिंदन्शेषानशेषान्निगलबल कलींस्तैरनंत स्वभावैः सूक्ष्मत्वाग्रयावगाहागुरुलघुकगुणैः क्षायिकैः शोभमानः । अन्यैश्वान्यव्यपोहप्रवण विषय संप्राप्तिलब्धिप्रभावै
रूर्ध्वं ब्रज्यास्वभावात्समयमुपगतो धाम्नि संतिष्ठतेऽन्ये ॥५॥
टीका --छिंदन्नित्यादि । योसौ स्वयंभूः प्रवृत्तः आत्मा स धाग्नि संतिष्ठते इति संबंधः । किं कुर्वन् ? छिंदन विदारयन् । कान् ? निगलबल - कलीन् निगलवद्बलं सामर्थ्यं येषां ते निगलबलाः ते च ते कलयश्च कल्यं ते मूलोत्तरप्रकृतिभेदेन संख्यायंते इति कलयः कर्मप्रकृतिविशेषास्तान |
For Private And Personal Use Only
