Page Text
________________
३४४
जयधवला
उदये उक्कस्सिया बहुगी । बंधे उक्कस्सिया अणंतगुणहीणा । बिदियसमये उदये उक्कस्सिया अणंतगुणहीणा । बंधे उक्कस्सिया अणंतगुणहीणा । 'एवं सव्विस्से किट्टीवेदगद्धाए ।
पढमसमये बंधे जहणिया किट्टी तिव्वाणुभागा । उदये जहणिया मिट्टो अणंतगुणहीणा । विविणसमये बंधा (वद्धा) जहणिया किट्टी अणंत गुणहीणा उदये जहणिया अणंतगुणहीणा । एवं सव्विस्से किट्टीवेदगद्धाए । समये समये णिव्वग्गणाओ जहणियाओ वि य। एसा कोहकिट्टीए परूवणा। किट्टीणं पढमसमये वेदगस्स माणस्स पढमाए संगह किट्टीए किट्टीणमसंखेज्जा भागा बज्झंति । सेसाओ संगहक्ट्रिीओ ण बझंति । एवं मायाए । एवं लोभस्स वि । किट्टीणं पढमसमयरेदगो बारसण्हं पि संगहकिट्टीणमग्गकिट्रिमादि कादूण एक्के किस्से संगहकिट्टीए असंखेज्जदिभागं विणासे दि । “कोहस्स पढमसंगहकिदि मोत्तण सेसाणमेकारसण्डं संगहकिट्रीणं अण्णाओ अव्याओ विडीओ णिवत्तदि। 'ताओ अपवाओ किटीओ कदभादो पदेसग्गादो णिवत्तेदि । बज्झमाणयादो च संकामिज्जमाणयादो च पदेसग्गादो णिवत्तेदि । "बज्झमाणियादो धोवाओ णिवत्तेदि । संकामिज्जमाणयादो असंखेज्जगुणाओ। जाओ ताओ बज्झमाणयादो पदेसग्गादो णिव्वत्तिज्जति ताओ चदुसु पढमसंगहकिट्टीसु । 'ताओ कदमम्मि ओगासे ? एक्केक्किस्से संगहकिट्टीए किट्टीअंतरेसु । किं सम्वेसु किट्टीअंतरेसु आहो ण सम्वेसु ? ण सव्वेसु । जइ ण सब्वेसु कदमेसू अंतरेसु अपुवाओ णिवत्तयदि । उवसंदरिसणा। बज्झमणियाणं जं पढमं किट्टीअंतरं तत्थ पत्थि । एवं असंखेज्जाणि किट्टीअंतराणि अविच्छिदूण । किट्टीअंतराणि अंतरट्टदाए असंखेज्जाणि पलिदोवमपढमवग्गमूलाणि । "एत्तियाणि किट्टीअंतराणि गंतूण अपुव्वा किट्टी णिवत्तिज्जदि। पुणो वि एत्तियाणि किट्टीअंतराणि गंतूण अपुव्वा किट्टी णिवत्तिज्जदि । १२बज्झमाणयस्स पदेसग्गस्स
मो। तत्थ जहणियाए किट्टीए बज्झमाणियाए बहुअं। विदियाए किट्रीए विसेसहीणमणंतभागेण ।।
१३तदियाए विसेसहीणमणंतभागेण । चउत्यीए विसेसहीणं । एवमणतरोवणिधाए ताव विसेसहीणं जाव अयुवकिट्टिमपत्तो त्ति । "अपुवाए किट्टीए अणंतगुणं । अपुव्वादो किट्टीदो जा अणंतरकिट्टी तत्थ अणंत गुणहीणं । १५तदो पुणो अणंतभागहीणं । एवं सेसासु सव्वासु । जाओ संकामिज्जमाणियादो पदेसग्गादो अपुवाओ किट्टोओ णिव्वत्तिज्जंति ताओ दुसु ओगासेसु । १६तं जहा। किट्टीअंतरेसु च संगहकिट्टीअंतरेसु च। जाओ संगहकिट्टीअंतरेसु ताओ थोवाओ। १ जाओ किट्टीअंतरेसु ताओअसंखेज्जगुणाओ। जाओ संगहकिट्टीअंतरेसु तासि जहा किट्टीकरणे अपुन्वाणं णिवत्तिज्जमाणियाणं किट्टीणं विधी तहा काययो । “जाओ किट्टीअंतरेसु तासि जहा बज्झमाणयेण पदेसग्गेण अपुव्वाणं णिव्वत्ति जजमाणियाणं किठीणं विधी तहा काययो। णवरि थोवदरगाणि किटीअंतराणि गंतण संछनमाणपदेसग्गेण अपुव्वा किट्टी णिवत्तिज्जमाणिगा दिस्सदि । ताणि किट्टीअंतराणि पगणणादी पलिपोपमवग्गमूलस्स असंखेज्जदिभागो। २°पढमसमयकिट्टीवेदगस्स जा कोहपढमसंगहकिट्री तिस्से असंणेज्जदिभागी विणासिज्जदि । २१किट्टीओ जाओ पढमसमये विणासिज्जति ताओ बहुगीओ। जाओ विदियसमये विणासिज्जति ताओ असंखेज्जगुणहीणाओ। एवं ताव दुचरिमसमयअविणट्ठकोहपढमसंगपकिट्टि त्ति । २२एदेण सव्वेण तिचरिमसमयमेत्तीओ सव्वकिट्टीसु पढमविदियसमयवेदगस्स कोधस्स पढमकिट्टीए अवज्झमाणियाणं किट्टीणमसंखेज्जदिभागो। २३कोहस्स पढमकिट्टि वेददयमाणस्स जा पढमट्ठिदी तिस्से पढमट्ठिदीए समयाहियाए आवलियाए सेसाए एदम्हि समये जो विही तं विहिं वत्तइस्सासो ।
१. पृ० २४१ । २. पृ० २४२ । ३. पृ० २४३ १.४. पृ० २४४ । ५. पृ० २४५ । ६. पृ० २४६ । ७. पृ० २४७ । ८. पृ० २४८ । ९. पृ० २४९ । १०. पृ० २५० । ११. पृ० २५१ । १२. पृ० २५२ । १३. पृ० २५३ । १४. पृ० २५४ । १५. पृ० २५५ । १६. पृ० २५६ । १७. पृ० २५७ । १८. पृ०२६० । १९. पृ० २६२ । २०. पृ० २६३ । २१. पृ० २६४ । २२. पृ० २६५ । २३. पृ० २६६ ।
| SR No. | 090227 |
| Book Title | Kasaypahudam Part 15 |
| Original Sutra Author | Gundharacharya |
| Author | Fulchandra Jain Shastri, Kailashchandra Shastri |
| Publisher | Bharatvarshiya Digambar Jain Sangh |
| Publication Year | 2000 |
| Total Pages | 390 |
| Language | Hindi, Sanskrit |
| Classification | Book_Devnagari, Karma, & Religion |
| File Size | 38 MB |