Page Text
________________
परिसिट्ठाणि
३४५ खंडयपुधत्ते गदे णिहा-पयलाणं बंधवोच्छेदो। तदो अंतोमुहुत्ते गदे परभवियणामा-गोदाणं बंधवोच्छेदो।
अपुवकरणपविट्ठस्स जम्हि णिहा-पयलाओ वोच्छिण्णाओ सो कालो थोवो। परभवियणामाणं वोच्छिण्णकालो संखेजगुणो। अपुव्वकरणद्धा विसेसाहिया। तदो अपुव्वकरणद्धार चरिमसमए हिदिखंडयमणुभागखंडयं हिदिबंधो च समगं णिट्ठिदाणि । एदम्हि चेव समए हस्स-रइ-भय-दुगुंछाणं बंधवोच्छेदो। हस्स-रइ-अरइ-सोग-भय-दुगुंछाणमेदेसि छण्हं कम्माणमुदयवोच्छेदो च। तदो से काले पढमसमयअणियट्टी जादो। पढमसमयअणियट्टिकरणस्स ठिदिखंडयं पलिदोवमस्स संखेजदिभागो। "अपुत्वो हिदिबंधो पलिदोवमस्स संखेजदिभागेण हीणो। अणुभागखंडयं सेसस्स अणंता भागा । गुणसेढी असंखेजगुणाए सेढीए सेसे सेसे णिक्खेवो। 'तिस्से चेव अणियट्टि-अद्धाए पढमसमए अप्पसत्थ उवसामणाकरणं णिधत्तीकरणं णिकाचणाकरणं च वोच्छिणाणि।
आउगवज्जाणं कम्माणं हिदिसंतकम्ममंतोकोडाकोडीए। हिदिबंधो अंतोकोडाकोडीए सदसहस्सपुधत्तं । तदो डिदिखंडयसहस्सेसु गदेसु हिदिबंधो सहस्सपुधत्तं । तदो अणियट्टिअद्धाए संखेज्जेसु भागेसु गदेसु असण्णिहिदिबंधेण समगो हिदिबंधो। तदो हिदिबंधपुधत्तै गदे चदुरिंदियटिदिबंधसमगो हिदिबंधो । एवं तीइंदिय-वोइंदियट्ठिदिबंधसमगो हिदिबंधो। एइंदियट्ठिदिबंधसमगो हिदिबंधो।।
तदो द्विदिबंधपुधत्तेण णामा-गोदाणं पलिदोवमहिदिगो हिदिबंधो। 'गाणावरणीयदसणावरणीय-वेदणीय-अंतराइयाणं च दिवङ्कपलिदोवममेत्तहिदिगो वंधो। मोहणीयस्स वेपलिदोवमहिदिगो बंधो। एदम्हि काले अदिच्छिदे सव्वम्हि पलिदोवमस्स संखेज्जदिभागेण हिदिबंधेण ओसरदि । णामा-गोदाणं पलिदोवमहिदिगादो बंधादो अण्णं जं हिदिबंध बंधहिदि सो हिदिबंधो संखेज्जगुणहीणो। "सेसाणं कम्माणं हिदिबंधो पलिदोवमस्स संखेज्जभागहीणो।
__ तदो पहुडि गामा-गोदाणं विदिबंधे पुण्णे संखेज्जगुणहीणी ट्ठिदिबंधो होइ। सेसाणं कम्माणं जाव पलिदोवमट्ठिदिगं बंध ण पावदि ताव पुण्णे हिदिबंधे पलिदोवमस्स संखेज्जदिभागहीणो हिदिबंधो। १२ एवं हिदिबंधसहस्सेसु गदेसु णाणावरणीय-दसणावरणीय-वेदणीयअंतराइयाणं पलिदोवमट्ठिदिगो बंधो। मोहणीयस्स तिभागुत्तरं पलिदोवमट्ठिदिगो बंधो। तदो जो अण्णो णाणावरणादिचदुण्हं पि हिदिबंधो सो संखेजगुणहीणो। मोहणीयस्स हिदिबंधो विसेसहीणो।
तदो दिदिबंधपुधत्तेण गदेण मोहणीयस्स वि हिदिबंधो पलिदोवमं । तदो जो अण्णो हिदिबंधो सो आउगवजाणं कम्माणं हिदिबंधो पलिदोवमस्स संखेजदिभागो। "तस्स अप्पाबहुअं । तं जहा-णामा-गोदाणं हिदिबंधो थोवो। मोहणीयवज्जाणं कम्माणं ट्रिदिबंधो तुल्लो संखेजगुणो। मोहणीयस्स हिदिबंधो संखेजगुणो। 'एदेण अप्पाबहुअविहिणा हिदिबंधसहस्साणि बहूणि गदाणि । तदो अण्णो हिदिबंधो णामा-गोदाणं थोवो। इदरेसिं चउण्हं पि तुल्लो असंखेजगुणो। मोहणीयस्स हिदिबंधो संखेजगुणो। "एदेण अप्पाबहुअविहिणा हिदिबंधसहस्साणि बहूणि गदाणि ।
(१) पृ. २२६ । (२) पृ. २२७ । (३) पृ. २२८ । (४) पृ. २२९ । (५) पृ. २३० । (६) प. २३१ । (७) पृ. २३२ । (८) पृ. २३३ । (९) पृ. २३४ । (१०) पृ. २३५ । (११) प. २३६ । (१२) पृ. २३७ । (१३) पू. २३८ । (१४) पृ. २३९ । (१५) पृ. २४० । (१६) प. २४१ ।
| SR No. | 090225 |
| Book Title | Kasaypahudam Part 13 |
| Original Sutra Author | Gundharacharya |
| Author | Fulchandra Jain Shastri, Kailashchandra Shastri |
| Publisher | Bharatvarshiya Digambar Jain Sangh |
| Publication Year | 2000 |
| Total Pages | 402 |
| Language | Hindi, Sanskrit |
| Classification | Book_Devnagari, Karma, & Religion |
| File Size | 13 MB |