________________
३४२
जयधवलासहिदे कसायपाहुडे 'कदि आवलियं पविसंति' त्ति विहासा । मूलपयडीओ सव्याओ पविसंति । उत्तरपयडीओ वि जाओ अत्थि ताओ पविसंति । णवरि जइ परभवियाउअमत्थि तं ण पविसदि।
'कदिण्हं वा पवेसगो' त्ति विहासा । मूलपयडीणं सव्वासिं पवेसगो। उत्तरपयडीणं पंचणाणावरणीय-चदुदंसणावरणीय-मिच्छत्त-पंचिंदियजादि-तेजा-कम्मइयसरीरवण्ण-गंध-रस-फास-अगुरुगलहुग-उवघाद-परघादुस्सास-तस-बादर-पज्जत्त-पत्तेयसरीरथिराथिर-सुभासुभ-णिमिण-पंचंतराइयाणं णियमा पवेसगो। सादासादाणमण्णदरस्स पवेसगो। चदुण्हं कसायाणं तिण्हं वेदाणं दोण्हं जुगलाणमण्णदरस्स पवेसगो । भय-दुगुंछाणं सिया पवेसगो। चउण्हमाउआणमण्णदरस्स पवेसगो। चदुण्हं गइणामाणं दोण्हं सरीराणं छण्हं संठाणाणं दोण्हमंगोवंगाणमण्णदरस्स पवेसगो । छण्हं संघडणाणं अण्णदरस्स सिया । उज्जोवस्स सिया । दोविहायगइ-सुभग-भगसुस्सर-दुस्सर-आदेज्ज-अणादेज्ज-जसगित्ति-अजसगित्तिअण्णदरस्स पवेसगो। 'उच्चाणीचगोदाणमण्णदरस्स पवेसगो। ___ 'के अंसे झीयदे पुव्वं बंधेण उदएण वा' त्ति विहासा। असादावेदणीय-इत्थिणवंसयवेद-अरदि-सोग-चदुआउ-णिरयगदि-चदुजादि-पंचसंठाण-पंचसंघडण-णिरयगहपाओग्गाणुपुग्वि-आदाव-अप्पसत्थविहायगइ-थावर-सुहुम-अपज्जत्त-साहारण-अथिर-असुभभग-दुस्सर-अणादेज्ज-अजसगित्तिणामाणि एदाणि बंधेण वोच्छिण्णाणि ।
पंचदंसणावरणीय-चदुजादिणामाणि चदुआणुपुग्विणामाणि 'आदाव-थावर-सुहुमअपज्जत्त-साहारणसरीरणामाणि एदाणि उदएण वोच्छिण्णाणि ।
'अंतरं वा कहिं किच्चा के के उवसामगो कहि' ति विहासा । ण ताव अंतरं उवसामगो वा, पुरदो होहिदि त्ति ।
"किं द्विदियाणि कम्माणि अणुभागेसु केसु वा । ओवट्टेयूण सेसाणि कं ठाणं पडिवज्जदि' त्ति विहासा । द्विदिघादो संखेज्जा भागे घादेदूण संखेज्जदिमागं पडिवज्जइ । अणुभागपादो अणंते भागे घादेदण अणंतभागं पडिवज्जइ । तदो इमस्स चरिमसमय-अधापवत्तकरणे वट्टमाणस्स पत्थि द्विदिघादो वा अणुभागपादो वा । से काले दो वि घादा पवत्तीहिंति ।
. (१) पृ. २१३ । (२) पृ. २१४ । (३) पृ. २१५ । (४) पृ. २१६ । (५) पृ. २१७ । (६) पृ. २१८ । (७) पृ. २२१ । (८) पृ. २२६ । (९) पृ. २२७ । (१०) पृ. २३०। (११) पृ. २३१ । (१२) पृ. २३२ ।
.
