________________
परिसिट्ठाणि
३३५ वा कसाय-उवजोगद्धट्ठाणेसु । एसा पुच्छा । अयं णिद्देसो। तसा एक्केक्कम्मि कसायुदयट्ठाणे आवलियाए असंखेज्जदिभागो। कसाय-उवजोगद्धट्ठाणेसु पुण उक्कस्सेण असंखेज्जाओ सेढीओ। एवं भणिदं होइ सव्वाओ गदीओ णियमा अणेगेसु कसायुदयट्ठाणेसु अणेगेसु च कसायउवजोगट्ठाणेसु त्ति ।
___ तदो एवं परूवणं कादूण णवहिं पदेहिं अप्पाबहुअं । 'तं जहा-उक्कस्सए कसायुदयट्ठाणे उक्कस्सियाए माणोवजोगद्धाए जीवा थोवा। जहणियाए माणोवजोग. द्धाए जीवा असंखेज्जगुणा । अणुक्कस्समजहण्णासु माणोवजोगद्धासु जीवा असंखेज्जगुणा । 'जहण्णए कसायुदयट्ठाणे उक्कस्सियाए माणोवजोगद्धाए जीवा असंखेज्जगुणा। जहणियाए माणोवजोगद्धाए जीवा असंखेज्जगुणा । अणुक्कस्समजहण्णासु माणोवजोगद्धासु जीवा असंखेज्जगुणा । "अणुक्कस्समजहण्णेसु अणुभागट्ठाणेसु उक्कस्सियाए माणोवजोगद्धाए जीवा असंखेज्जगुणा । जहणियाए माणोवजोगद्धाए जीवा असंखेज्जगुण । अणुक्कस्समजहण्णासु माणोवजोगद्धासु जीवा असंखेज्जगुणा । एवं सेसाणं कसायाणं । एत्तो छत्तीसपदेहि अप्पाबहुअं कायव्वं । एवं चउत्थीए गाहाए विहासा समत्ता।
''केवडिगा उवजुत्ता सरिसीसु च वग्गणा-कसायेसु' चेति एदिस्से गाहाए अत्यविहासा। एसा गाहा सूचणासुत्तं । एदीए सूचिदाणि अट्ठ अणिओगद्दाराणि । "तं जहा–संतपरूवणा दव्वपमाणं खेत्तपमाणं फोसणं कालो अंतरं भागाभागो अप्पाबहुअं च । 'केवडिगा उवजुत्ता त्ति दव्वपमाणाणुगमो। 'सरिसीसु च वग्गणा-कसाएसु' त्ति कालाणुगमो । "केवडिगा च कसाए' त्ति भागाभागो । 'के के च विसिस्सदे केणे' ति अप्पाबहुअं । एवमेदाणि चत्तारि अणिओगद्दाराणि सुत्तणिबद्धाणि । सेसाणि सूचणाणुमाणेण कायव्वाणि ।
"कसायोवजुत्ते अट्टहिं अणिओगद्दारेहिं गदि-इंदिय-काय-जोग-वेद-णाण-संजमदसण-लेस्स-भविय-सम्मत्त-सण्णि-आहारा ति एदेसु तेरससु अणुगमेसु मग्गियूण । महादंडयं च कादृण समत्ता पंचमी गाहा ।
१४'जे जे जम्हि कसाए उवजुत्ता किण्णु भूदपुव्वा ते त्ति एदिस्से छट्ठीए गाहाए कालजोणी कायव्या । तं जहा–जे अस्सिं समए माणोवजुत्ता तेसिं तीदे काले माणकालो णोमाणकालो मिस्सयकालो इदि एवं तिविहो कालो । कोहे च तिविहो कालो।
(१) पृ. ७५ । (२) पृ. ७६ । (३) पृ. ७७ । (४) पृ. ७८ । (५) पृ. ७९ । (६) पृ. ८० ।(७) पृ. ८१ । (८) पृ. ८२ । (९) पृ. ८५ । (१०) पृ. ८६ । (११) पृ. ८७ । (१२) पृ. ८८ । (१३) पृ. ९० । (१४) पु. ९१ । (१५) पृ. ९३ । (१६) पृ. ९४ ।
